Kwestin From Reader

Samfala sei Paul nating go shore long Malta island, south long Sicily bihaen ship hem rek, bat long nara island. Wea nao hem go shore?

Disfala kwestin hem abaotem niu tingting for sei aposol Paul no go shore long Malta island, bat long Cephalonia (or, Kefallinía), klosap long Corfu long Ionian Sea, wea hem long west saed bilong Greece. Bible talem iumi hao Julius, wanfala bigman long army bilong Rome, tekem Paul witim samfala soldia and olketa fren bilong hem go insaed boat and lusim Caesarea. Long map hem showimaot olketa sail go for Sidon and Myra. Olketa lusim datfala ship and go insaed wanfala big ship for tekem grain from Alexandria, Egypt, and go long west for kasem Cnidus. Olketa hard for followim road for Rome wea akrosim Aegean Sea wea go pas long end bilong Greece. Strong wind forcem olketa for go long south for kasem Crete and olketa go for haed long saedsea bilong hem. Long there olketa stap long Fair Havens harbor. Taem olketa ‘go aot from Crete insaed open sea, big wind wea nem bilong hem Euroaquilo hitim nogud’ disfala ship. Datfala hevi ship for karem grain ‘flae olobaot antap long sea’ go kasem mek-14 naet. Gogo, evri 276 pipol go shore long wanfala island wea Bible kolem long Greek languis, Me·liʹte.—Acts 27:1–28:1.

Long olketa year wea go pas, samfala tingting kamap abaotem which island nao, Me·liʹte. Samfala tingse hem island bilong Melite Illyrica, wea distaem olketa kolem Mljet, long Adriatic Sea no farawe from Croatia. Bat luk olsem diswan no stret, bikos Mljet stap long north, and hem hard for markem witim next ples wea Paul go long hem, olsem Syracuse, Sicily, and then west saed bilong Italy.—Acts 28:11-13.

Planti man wea transleitim Bible biliv datfala Me·liʹte hem Melite Africanus island, wea distaem hem Malta. Last ples for ship wea tekem Paul stop long hem nao Fair Havens, long Crete. Then wanfala strong wind karem ship go long west wea gogo for Cauda. Staka day nao datfala wind go ahed for pushim datfala ship. Hem barava fitim ship wea strong wind blowim mas go farawe long west and kasem Malta.

Taem olketa tingim datfala strong wind and “wea nao wind pushim ship and hao fast nao hem pushim ship,” Conybeare and Howson sei olsem insaed buk bilong tufala The Life and Epistles of St. Paul: “From Clauda [or, Cauda] go kasem Malta hem no winim 770 kilometer. Evri samting wea happen showimaot klia, hem fitim for bilivim island wea olketa man long ship [kam klosap] long hem long mek-fotin naet hem mas Malta. Hem barava tru datfala ples hem mas Malta.”

Nomata samfala pipol maet talem difren ples, for ship hem rek long Malta wea showaot long map hem stret fitim story wea stap long Bible.

[Map/Piksa long page 31]

(For formatted text, lukim pablikeson)

Jerusalem

Caesarea

Sidon

Myra

Cnidus

CRETE

CAUDA

MALTA

SICILY

Syracuse

Rome

MLJET

GREECE

CEPHALONIA