For Young Pipol

Peter Sei Hem No Savve Long Jesus

Hao for Duim: Duim disfala study project long ples wea kwaet. Taem iu readim olketa scripture, tingim olsem iu long there tu. Tingim long mind bilong iu olketa samting wea happen. Herem olketa wea story. Garem sem feeling olsem pipol long datfala story.

TING RAONEM OLKETA SAMTING WEA HAPPEN.​—READIM MATTHEW 26:31-​35, 69-​75.

Iu ting haomas man nao insaed long disfala story?

․․․․․

Long tingting bilong iu, waswe, olketa wea story witim Peter olketa kaen? olketa laek for savve long nara samting? olketa kros? or olketa garem eni nara tingting?

․․․․․

Peter feel hao taem olketa askem tumas kwestin long hem?

․․․․․

Why nao Peter sei hem no savve long Jesus? Waswe, hem no lovem Jesus or nara samting nao mekem hem for duim datwan?

․․․․․

DUIM RESEARCH.​—READIM LUKE 22:31-​34; MATTHEW 26:55-​58; JOHN 21:​9-​17.

Hao nao maet wei wea Peter trustim hemseleva mekem hem no duim stret samting?

․․․․․

Wanem nao Jesus duim wea showimaot hem trustim Peter, nomata hem savve Peter bae no duim stret samting?

․․․․․

Nomata Peter sei hem no savve long Jesus, wanem nao hem duim wea showimaot hem no fraet olsem olketa nara disaepol?

․․․․․

Wanem nao Jesus duim wea showimaot hem forgivim Peter?

․․․․․

Long tingting bilong iu, why nao Jesus askem Peter thrifala taem, “Waswe, iu lovem mi?”

․․․․․

Long tingting bilong iu, Peter feel hao bihaen hem story witim Jesus, and why nao olsem?

․․․․․

FOLLOWIM SAMTING WEA IU LANEM. RAETEM WANEM IU LANEM ABAOTEM . . .

Wei for fraet long man.

․․․․․

Wei wea Jesus kea for olketa disaepol bilong hem nomata olketa mistek.

․․․․․

Wanem nao iu barava laekem abaotem disfala story, and why nao olsem?

․․․․․