For Young Pipol
Strong Long Wanem Iu Bilivim!
Hao for duim: Duim disfala project long ples wea kwaet. Taem iu readim olketa scripture, tingim olsem iu long there. Lukim olketa samting wea happen. Herem olketa wea story and minim feeling bilong olketa.
Pipol long disfala story: Jeremiah, Ebed-melech, King Zedekiah
Main point: Taem Jeremiah talemaot message bilong God for pipol long Judah mas sarenda long olketa Chaldean, pipol barava againstim hem.
1 TING RAONEM SAMTING WEA HAPPEN.—READIM JEREMIAH 38:1-5.
Wanem nao tingting bilong Jeremiah taem hem story long pipol long Judah?
_______
Hao nao feeling bilong Jeremiah taem hem talem warning bilong Jehovah?
_______
DUIM RESEARCH.
Wanem nao Jeremiah mas bilivim mekem hem strong for talemaot warning?
_______
2 TING RAONEM SAMTING WEA HAPPEN.—READIM JEREMIAH 38:6-13.
Trae for tingim hao waed, hae, and wanem kaen smel nao tank wea olketa putim Jeremiah insaed long hem.
_______
Wanem nao olketa samting wea Jeremiah tingim taem hem “start for sink daon long mud”? (Readim moa verse 6.)
_______
DUIM RESEARCH.
Lukaotem samfala niu information abaotem olketa tank wea pipol savve iusim long taem bilong Bible.
_______
Wanem nao Ebed-melech mas bilivim mekem hem sevem Jeremiah? (Readim moa verse 7-9.)
_______
Why nao Zedekiah kwiktaem changem tingting bilong hem for followim olketa prince and Ebed-melech? (Readim moa verse 5 and 10.) Diswan showimaot hem wanem kaen man? Waswe, hem strong long wanem hem bilivim?
_______
Long disfala story, hu nao strong long wanem hem bilivim, and hu nao nomoa? Why nao iu sei olsem?
_______
3 FOLLOWIM SAMTING WEA IU LANEM. RAETEM WANEM IU LANEM ABAOTEM . . .
Wei for no fraet.
_______
Wei for biliv strong.
_______
Wei wea Jehovah protectim olketa wea no fraet for obeyim hem.
_______
Taem iu kasem test, hao nao wei for strong long wanem iu bilivim savve mekem iu for duim stret samting?
_______
4 WANEM NAO MAIN SAMTING WEA IU LANEM FROM DISFALA STORY, AND WHY NAO OLSEM?
_______
SAPOS IU NO GAREM BIBLE, ASKEM OLKETA JEHOVAH’S WITNESS FOR WANFALA BIBLE OR READIM LONG INTERNET LONG www.watchtower.org