For Young Pipol

No Fren Witim Nogud Pipol!

Hao for duim: Duim disfala project long ples wea kwaet. Taem iu readim olketa scripture, tingim olsem iu long there. Lukim olketa samting wea happen. Herem olketa wea story and minim feeling bilong olketa.

Pipol long disfala story: Dinah, Shechem, Jacob, Simeon, and Levi

Main point: Shechem spoelem Dinah, and olketa brata bilong Dinah kros tumas and go for pei bak.

1. TING RAONEM SAMTING WEA HAPPEN.—READIM GENESIS 34:1-31.

Olketa wanem samting nao iu tingse Dinah duim witim olketa fren bilong hem long Canaan?

․․․․․

Wanem nao iu tingse Shechem ‘gohed talem long Dinah for switim hem’?

․․․․․

Long verse 30, iu tingse Jacob feel hao taem hem tok long Simeon and Levi?

․․․․․

2. DUIM RESEARCH.

Why nao Dinah go olowe for visitim olketa gele long Canaan? (Olsem example, maet wanem nao Dinah interest long hem wea olketa tu interest long hem? Wanem nao pipol long Canaan savve duim wea Dinah no savve duim long haos bilong hem?)

․․․․․

Maet olketa wanem wei bilong Shechem nao Dinah laekem? (Readim moa verse 3, 12, and 19.)

․․․․․

Wanem nao Bible talem wea showimaot Dinah no laek duim sex witim Shechem? (Readim moa verse 2.)

․․․․․

Waswe, hem stret for Simeon and Levi pei bak long wei for killim dae evri man long taon wea Shechem stap? Why nao iu ting olsem?

․․․․․

3. FOLLOWIM SAMTING WEA IU LANEM. RAETEM WANEM IU LANEM ABAOTEM . . .

Why hem important for chusim gudfala fren.

․․․․․

Why hem important for kontrolem iuseleva nomata iu garem gudfala reason for kros.

․․․․․

NARA WEI FOR FOLLOWIM WANEM IU LANEM.

Wanem nao iu savve duim mekem pipol wea ting nating long law bilong God no spoelem iu saed long sex?

․․․․․

4 WANEM NAO MAIN SAMTING WEA IU LANEM FROM DISFALA STORY, AND WHY NAO OLSEM?

․․․․․

Sapos iu no garem Bible, askem Olketa Jehovah’s Witness for wanfala Bible, or readim long Internet long www.watchtower.org