ANSA FOR OLKETA BIBLE KWESTIN

Hu nao nem bilong God?

Evriwan insaed famili bilong iumi garem nem. Nomata olketa animal wea iumi keepim tu garem nem! So hem fitim for God garem nem. Long Bible God garem olketa title olsem Olmaeti God, Lord bilong evri samting, and Creator, bat God garem nem tu.—Readim Isaiah 42:8.

Long staka difren Bible transleison, nem bilong God hem stap long Psalm 83:18. Olsem example, long New World Translation of the Holy Scriptures, datfala verse hem sei: “Nem bilong iu nao Jehovah, iu nomoa Barava Haefala God long full earth.”

Why nao iumi mas iusim nem bilong God?

God laekem iumi for iusim nem bilong hem. Iumi iusim nem bilong olketa wea iumi lovem, olsem olketa gud fren bilong iumi, taem iumi story long olketa. So hem fitim for iumi iusim nem bilong God taem iumi story witim hem. Jesus Christ tu encouragem iumi for iusim nem bilong God.—Readim Matthew 6:9; John 17:26.

Bat for iumi fren witim God, iumi need for savve long olketa nara samting abaotem hem tu. Olsem example, hem wanem kaen God? Waswe, iumi savve fren witim God? Iumi savve kasem ansa for olketa kwestin hia long Bible.