Wanem Nao Bible Talem?

Waswe, God nao mekem pipol safa?

Waswe, bae iu sei?

• Yes

• Nomoa

• Maet olsem

Bible hem sei

“Hard tumas for trufala God duim olketa nogud samting, and for Olmaeti God duim samting wea no stret!” (Job 34:10) God no savve kosim olketa nogud samting or mekem pipol for safa.

Wanem nao olketa nara samting wea iumi savve lanem from Bible?

• Satan hem “rulim disfala world” and hem nao kosim pipol for safa.—John 14:30.

• Plande taem olketa disison wea pipol mekem nao savve mekem olketa for safa and kasem olketa nogud samting.—James 1:14, 15.

Waswe, wei for safa bae finis enitaem?

Samfala tingse wei for safa bae finis taem evriwan waka tugeta for finisim datwan. Olketa narawan sei hard for eniwan finisim wei for safa. Hao nao tingting bilong iu?

Bible hem sei

God bae finisim wei for safa. “No eniwan bae dae and no enitaem bae pipol sorre or krae or feelim pain tu.”—Revelation 21:3, 4.

Wanem nao olketa nara samting wea iumi savve lanem from Bible?

• God bae iusim Jesus for finisim wei wea Satan kosim pipol for safa.—1 John 3:8.

• Gudfala pipol bae garem peace and stap long disfala earth for olowe.—Psalm 37:9-11, 29.