Waswe, Iu Redi for Duim Enitaem Witnessing?
1. Wanem example nao showimaot gud samting savve kamaot from enitaem witnessing?
1 Staka gud samting savve kamaot from wei for duim enitaem witnessing. Bible storyim plande example abaotem gud samting wea kamaot from wei for duim enitaem witnessing. (John 4:7-15) Wanem nao iumi savve duim for redyim iumiseleva for enitaem witnessing?
2. Hao nao kaleko and lukluk bilong iumi savve givim chance for witness?
2 Kaleko and Lukluk Bilong Iumi: Kaleko and lukluk bilong iumi wea klin and showimaot respect evritaem, bae mekem iumi fit for storyim biliv bilong iumi long olketa narawan. (1 Tim. 2:9, 10) Sapos iumi feel olsem kaleko wea iumi werem no barava fitim, maet datwan bae mekem iumi hol bak for witness. Bat sapos iumi klin and kaleko wea iumi werem hem fitim, maet datwan mekem pipol for ask why nao olsem. Olsem example, wanfala hasband and waef wea Witness werem kaleko wea fitim, tufala sidaon klosap long wanfala Muslim man taem tufala go wakabaot. Datfala man lukim kaleko and lukluk bilong tufala and hem ask sapos tufala Christian. Diswan mekem olketa storyim Bible for thrifala hour.
3. Long wanem wei nao iu followim example bilong Jesus for startim story?
3 Wei for Startim Story: Taem Jesus meetim datfala Samaritan woman long well bilong Jacob, hem startim story taem hem askem wata for drink. Long sem wei tu, iumi savve startim story witim shortfala toktok or wei for askem wanfala simpol kwestin. Nomata samfala taem iumi hol bak, sapos iumi depend Jehovah, datwan bae helpem iumi for “no fraet” for startim story.—1 Thess. 2:2.
4. Hao nao iumi savve redi for duim enitaem witnessing?
4 Lukaotem Chance: Olketa pablisa faendem staka difren wei for duim enitaem witnessing. Ting raonem wanem iu duim evriday and pipol wea iu meetim evritaem. Tekem Bible and eni pablikeson wea fitim witim iu. Trae for luksavve and showimaot interest long pipol wea iu meetim. Taem iu ting raonem olketa chance wea iu garem for story evriday, bae iu redi nao for givim gudfala witness.—Phil. 1:12-14; 1 Pet. 3:15.
5. Why nao iumi shud plan gud for duim enitaem witnessing?
5 Tufala reason why iumi iusim evri chance for duim enitaem witnessing hem bikos iumi lovem God and neiba. (Matt. 22:37-39) Taem iumi luksavve hem barava important for duim preaching waka, datwan bae mekem iumi plan gud for duim enitaem witnessing. From lelebet taem stap yet, iumi mas redi for iusim evri chance wea fitim for talemaot gud nius abaotem Kingdom long olketa narawan.—Rom. 10:13, 14; 2 Tim. 4:2.