Wanem for Talem

For Startim Bible Study Long First Saturday Long September

“Klosap evriwan savve prea long samfala taem. Nomata olketa wea no biliv long God tu savve prea taem olketa kasem problem. Waswe, iu tingse God hem herem evri prea?” [Weit for hem ansa.] Showim haosholder article long page 16 bilong September-October Wastaoa magasin. Storyim paragraf andanit long first subheding and readim wan or tufala scripture. Offerim olketa magasin and arrange for go bak for storyim mek-tu kwestin.

Wastaoa September-October

“Distaem staka pipol wari abaotem wei wea pornography hem kamap big tumas. Bat olketa narawan tingse pornography hem olraet nomoa and hem no savve spoelem man. Wanem nao tingting bilong iu? [Weit for hem ansa.] Jesus hem sei iumi bae luksavve sapos samting hem gud or nogud taem iumi lukim samting wea kamaot from datwan. [Readim Matthew 7:17.] Disfala magasin storyim hao pornography savve affectim man wea lukluk long hem and famili bilong hem. Hem storyim tu olketa samting wea man savve duim for lusim wei for lukluk long pornography.”

Awake! August

“Iumi evriwan laek laef for longfala taem. Waswe, iu tingse olketa man wea garem bigfala savve saed long science savve kamap witim eni samting wea bae mekem man fit for laef olowe? [Weit for hem ansa.] Tingim disfala promis. [Readim 1 Corinth 15:26.] Hao nao God bae duim diswan? Waswe, bae hem iusim science or eni nara samting? And why nao iumi kamap olo and gogo iumi dae? Disfala magasin storyim ansa from Bible for olketa kwestin hia.”