Wanem for Talem

Wea Nao Iumi Savve Faendem Ansa for Olketa Important Kwestin Long Laef?

Givim tract long haosholder mekem hem lukim title bilong tract, and sei: “Mifala Olketa Jehovah’s Witness evriwea long world duim campaign for givimaot disfala tract wea garem important message. Datwan hem copy bilong iu.”

Sapos iu leavim tract long haos wea no eniwan stap, putim long ples wea man long haos nomoa savve lukim and no foldim olobaot.

Sapos haosholder showimaot hem interest or hem laek for story, askem hem which wan long thrifala ansa long front page nao hem tingse hem stret. Openem tract and showim wanem Psalm 119:144, 160 hem talem. Talem hem disfala tract garem information abaotem wanfala Web site wea savve helpem hem for faendem ansa for olketa important kwestin long Bible. Maet iu savve showim hem samting long Web site olsem datfala video, Why Nao Hem Gud for Studyim Bible? Bifor iu lusim haosholder, showim hem thrifala kwestin long last page and askem hem which kwestin nao hem laek for savve long ansa bilong hem. Talem hem iu bae hapi for kam bak for showim hem hao for faendem ansa for datfala kwestin long jw. org. Taem iu go bak, go long jw.org, then go long OLKETA PABLIKESON > OLKETA BUK AND BROCHURE for storyim ansa bilong datfala kwestin.

Wastaoa July-August

Long Saturday and Sunday, sapos hem fitim, iu savve offerim Wastaoa and iu savve sei: “Mifala laek for showim long iu olketa niu magasin tu. Wastaoa magasin hia hem garem ansa for disfala kwestin, Wanem Nao Tingting Bilong God Abaotem Wei for Smoke?”

Awake! July

“Distaem staka pipol savve kasem nogud samting, olsem natural disaster, barava nogud sik, or samwan wea olketa lovem hem dae. Taem olketa samting olsem happen, wanem nao iumi savve duim for deal witim olketa samting hia? [Weit for hem ansa.] Bible helpem staka pipol for deal witim olketa nogud samting wea kasem olketa. [Readim Rome 15:4.] Disfala magasin storyim hao Bible savve helpem iumi taem iumi kasem nogud samting.”