Iumi Mas Prepare Mekem Iumi Teach Gud

Nomata tufala man askem sem kwestin long Jesus long olketa difren taem, Jesus hem ansarem tufala long difren wei for helpem tufala. (Luke 10:25-28; 18:18-20) So, nomata maet iumi savve gud long buk or brochure wea iumi iusim for studyim witim samwan, iumi shud tingim hem taem iumi prepare. Olsem example, wanem nao samfala samting wea maet hem stragol for minim or for acceptim? Wanem scripture nao iumi shud readim long study? Haomas paragraf nao iumi shud studyim? Maet iumi mas redyim wanfala tokpiksa, tingim hao for explainim wanfala point, or tingim samfala kwestin wea bae helpem Bible study for minim wanem hem lanem. And tu, iumi shud askem Jehovah for helpem iumi taem iumi prepare, and for helpem Bible study bilong iumi for fren witim Hem, bikos Jehovah nao hem mekem seed bilong truth for grow long heart bilong Bible study.—1 Cor. 3:6; Jas. 1:5.