GUD SAMTING FROM BIBLE | PROVERBS 1-6
“Trustim Jehovah Long Full Heart Bilong Iu”
Iumi savve trustim Jehovah. Mining bilong nem bilong hem mekem iumi sure hem bae duim wanem hem promisim. Wei for prea savve helpem iumi for trustim Jehovah. Proverbs chapter 3 helpem iumi for luksavve taem iumi trustim Jehovah, bae hem ‘showim iumi stretfala wei for followim.’
Man wea trustim hemseleva . . .
no askem Jehovah for helpem hem taem hem disaedem samting
depend long savve bilong hemseleva or olketa narawan
Man wea trustim Jehovah . . .
fren gud witim hem. Hem prea long Jehovah, and hem studyim and ting raonem Bible
followim olketa Bible principle taem hem disaedem samting
FIRST SAMTING: Mi disaed for duim wanem mi tingse hem stret |
FIRST SAMTING: Mi prea and duim research for helpem mi luksavve wanem Jehovah bae laekem |
MEK-TU SAMTING: Mi prea long Jehovah for blessim disison bilong mi |
MEK-TU SAMTING: Mi disaedem samting wea followim olketa Bible principle |