Waswe, Iu Iusim Card for Advertisem JW.ORG?

Iumi barava klosap long taem wea datfala big trabol bae kam, so iumi laek for helpem pipol distaem. (Pr 24:11, 12, 20) Iumi savve iusim card for advertisem JW.ORG for helpem pipol savve abaotem website bilong iumi and abaotem Bible study. Datfala card garem code wea man savve scanim for go long website for lukim video Why Nao Hem Gud for Studyim Bible?, and tu, hem encouragem man for ask for wanfala Bible study. Samfala pipol no laekem olketa buk bilong iumi bat olketa laek for lukluk long website bilong iumi. No hol bak for givim card long olketa. Bat no givim card long man wea no interest.

Taem iu story long samwan iu savve sei: “Mi laek givim iu disfala card. Disfala card hem storyim website bilong mifala wea hem garem olketa free video and olketa nara samting abaotem Bible.” (Joh 4:7) Olketa card hia hem smol nomoa so iu savve tekem samfala card for givim long pipol wea iu meetim.