Hao for Offerim Pablikeson

Kwestin: Samfala pipol sei Bible hem oldfala buk wea no fitim iumi distaem. Bat olketa narawan sei hem still fitim iumi distaem. Hao nao tingting bilong iu?

Scripture: 2Ti 3:16, 17

Offerim magasin: Disfala Wastaoa magasin storyim olketa Bible principle wea savve helpem iumi long laef. Hem storyim tu olketa idea wea bae helpem iumi for enjoyim Bible reading and for kasem gud samting from datwan.

Kwestin: Waswe, end bilong world hem klosap?

Scripture: Mt 24:3, 7, 14

Truth: Olketa profesi long Bible showimaot iumi stap long taem wea world hem gogo for end. Datwan hem gudfala nius bikos bihaen world hem finis laef bae gud tumas.

Kwestin: Long tingting bilong iu, waswe, hem stret for sei God nao creatim evri samting, or waswe, evri samting kamap seleva nomoa?

Offerim brochure: Disfala brochure hem storyim olketa pruv wea helpem staka pipol for barava sure wanfala Creator hem stap. Mi laek for kam bak and iumi storyim kwestin long page 29: “Does it matter what you believe?”