“Jehovah . . . Iu Nao Mi Trustim”

Hem important for iumi trustim Jehovah long olketa gud taem and olketa nogud taem. (Ps 25:1, 2) Long mek-eit century B.C.E., olketa Jew long Judah kasem wanfala hard taem wea testim wei wea olketa trust long God. Iumi savve lanem staka samting from wanem hem happen. (Ro 15:4) Bihaen iu lukluk long datfala video “Jehovah . . . Iu Nao Mi Trustim,” ansarem olketa kwestin hia:

1. Wanem hard taem nao Hezekiah feisim?

2. Hao nao Hezekiah followim principle wea stap long Proverbs 22:3 taem olketa enemy redi for attakim olketa?

3. Why nao Hezekiah no tingting for sarenda nomoa long olketa bilong Assyria, or mekem agreement witim olketa bilong Egypt?

4. Wanem gudfala example nao Hezekiah showimaot for olketa Christian?

5. Wanem nao olketa hard samting wea kasem iumi distaem wea testim trust bilong iumi long Jehovah?

Raetem samfala wei wea iu savve showimaot iu barava trustim Jehovah.