Teachim Olketa for Gohed Worshipim Jehovah

Taem iumi trainim olketa niu pablisa for evritaem strong long ministry, olketa bae kamap gudfala pablisa. (Pr 22:6; Php 3:16) Diswan nao samfala wei wea iu savve helpem Bible study bilong iu kamap gudfala pablisa:

• Start from taem Bible study bilong iu hem kamap pablisa, trainim hem long ministry. (km 8/15 1) Helpem hem for luksavve hem important for share long ministry evri week. (Php 1:10) Taem iu story abaotem pipol long territory bilong iu, storyim olketa gudfala samting. (Php 4:8) Encouragem hem for waka witim overseer bilong grup and olketa nara pablisa mekem hem savve lane from olketa.—Pr 1:5; km 10/12 5 par. 3

  

• Bihaen Bible study bilong iu hem baptaes, gohed for encouragem and trainim hem long ministry, especially sapos hem no finisim yet datfala “Love Bilong God” buk.—km 12/13 3

  

• Iusim idea wea simpol taem iu waka witim wanfala niu pablisa long ministry. Bihaen hem story long haosholder, praisem hem long wanem hem duim. Talem samfala idea for helpem hem kamap gud long ministry.—km 5/10 7