Iufala No Wari Tumas

Long Sermon bilong Jesus long Maunten, hem sei: “No wari abaotem wanem iufala bae kaikaim and drinkim or wanem iufala bae werem.” (Mt 6:25). From iumi no perfect and iumi stap tu long world bilong Satan, iumi savve wari samfala taem bat Jesus talem olketa follower bilong hem for no wari tumas. (Sams 13:2) Why nao olsem? Bikos wei for wari nating nomoa abaotem olketa samting wea iumi needim evriday, savve stopem iumi for putim Kingdom olsem first samting long laef bilong iumi. (Mt 6:33) Nara samting wea Jesus talem bae helpem iumi for no wari nating.

• Mt 6:26—Wanem nao iumi savve lanem taem iumi lukluk long olketa bird? (w16.07 9-10 par. 11-13)

• Mt 6:27—Why nao wei for wari nating nomoa hem weistim taem and strong bilong iumi? (w05 11/1 22 par. 5)

• Mt 6:28-30—Wanem nao iumi savve lanem from olketa flaoa long bush? (w16.07 10-11 par. 15-16)

• Mt 6:31, 32—Long wanem wei nao olketa Christian difren from pipol long world? (w16.07 11 par. 17)

Wanem nao samfala samting wea mi laek stop for wari abaotem?