Jesus Strongim Pipol

From Jesus hem carpenter, hem savve hao for wakem gud wanfala yoke. Maet hem putim pis kaleko or leather raonem midol bilong datfala yoke mekem taem man iusim bae hem sidaon gud antap long shoulder bilong hem. Taem iumi baptaes iumi acceptim yoke bilong Jesus, wea minim iumi acceptim olketa responsibility bilong wanfala disaepol bilong hem, and nomata datwan no isi, bae iumi kasem staka blessing and bae hem strongim iumi.