Olketa Tru Christian Mas Showimaot Love—Hapi Long Samting wea Tru

WHY HEM IMPORTANT: For followim example bilong Jesus, iumi mas talem olketa tru samting abaotem plan bilong God long narawan. (Joh 18:37) And tu, iumi mas hapi long samting wea tru, no laea, and gohed for tingim olketa tru samting, nomata iumi stap long world wea pipol savve laea and duim olketa nogud samting.—1Co 13:6; Php 4:8.

WANEM FOR DUIM:

• Mas disaed strong for no lisin long gossip or storyim datwan long narawan.—1Th 4:11

• No hapi taem narawan kasem nogud samting

• Hapi for storyim gud samting wea savve encouragem iumi

LUKIM VIDEO “IUFALA LOVEM IUFALA EVRIWAN”—NO HAPI LONG OLKETA NOGUD SAMTING, BAT HAPI LONG SAMTING WEA TRU, THEN ANSAREM OLKETA KWESTIN HIA:

• Long wanem wei nao Debbie “hapi long olketa nogud samting”?

• Hao nao Alice helpem Debbie for storyim olketa gud samting?

• Wanem nao samfala gud samting wea iumi savve story abaotem?