Singsing for Praisem Jehovah

Taem Paul and Silas stap long prison tufala prea and singsing for praisem Jehovah. (Ac 16:25) Masbi wei for singsing helpem tufala for deal witim hard taem wea tufala feisim. Waswe long iumi distaem? Olketa Kingdom song and olketa original song savve strongim iumi and helpem iumi for gohed faithful taem iumi kasem hard taem. Bat main samting, olketa song hia hem for givim praise long Jehovah. (Sams 28:7) Iumi kasem encouragement for baeheartim samfala song hia. Waswe, iu baeheartim eni song yet? Iumi savve iusim famili worship for lanem olketa song and for baeheartim.

LUKIM VIDEO OLKETA YOUNG WAN SINGSING FOR PRAISEM JEHOVAH, THEN ANSAREM OLKETA KWESTIN HIA:

• 

  Why nao hem gud for iumi singim olketa Kingdom song?

• 

  Hao nao olketa long Audio Video Department savve prepare for duim recording?

• 

  Hao nao olketa pikinini and famili bilong olketa savve prepare bifor olketa go long studio for recording?

• 

  Olketa wanem Kingdom song nao iu barava laekem, and why nao olsem?