Olketa Sei Hem Man for Mek Trabol and Mekem Pipol for Againstim Gavman

23:12, 16; 24:2, 5, 6, 10-21

Samfala Jew long Jerusalem “swear satem olketa seleva for no kaikaim or drinkim eni samting” go kasem taem olketa killim dae Paul. (Ac 23:12) Bat, Jehovah no letem olketa killim dae Paul bikos hem laekem Paul for go preach long Rome. (Ac 23:11) Plan bilong olketa Jew hia for killim dae Paul fail bikos nephew bilong Paul herem datfala plan and reportim datwan long hem. (Ac 23:16) Wanem nao iu savve lanem from disfala story abaotem . . .

• wanem hem happen taem pipol trae for againstim plan bilong God?

• hu or wanem nao God savve iusim for helpem iumi?

• wei for no fraet?