GUD SAMTING FROM BIBLE

Jehovah Organizem Pipol blo Hem

[Pleim video Lane Abaotem Bible Buk Nambas.]

Jehovah divaedem camp blo Israel for wanfala grup garem thrifala tribe (Nambas 1:52, 53; w94-E 12/1 9 ¶4)

Luk olsem 3,000,000 Israelite or winim datwan nao stap insaed datfala camp (Nambas 2:32, 33; it-1-E 397 ¶4)

Jehovah laekem pipol blo hem for worshipim hem lo wei wea organize. Hem nao wanem nation blo Israel duim bifor, and iumi duim distaem tu.—1Co 14:33, 40.

Piksa wea showimaot hao olketa Israelite camp. Tabernacle hem stap lo midol. Famili blo tribe blo Levi olketa stap klosap lo Tabernacle: Aaron lo east, olketa Kohathite lo south, olketa Gershonite lo west, and olketa Merarite lo north. 12 tribe blo Israel lelebet stap farawe. Lo east hem Issachar, Judah, and Zebulun. Lo south hem Gad, Reuben, and Simeon. Lo west hem Benjamin, Ephraim, and Manasseh. Lo north hem Naphtali, Dan, and Asher.

ASKEM IUSELEVA, ‘Hao nao mi savve showimaot mi barava sapotim organization blo Jehovah?’