Acceptim Help blo Jehovah Thru lo Prea

Jehovah nao mekem seed blo truth for grow lo heart blo samwan. (1Co 3:6-9) So, for win lo ministry blo iumi, iumi need for depend lo Jehovah for helpem iumi and olketa Bible student blo iumi.

Askem Jehovah for helpem olketa Bible student blo iu for winim olketa pressure and hard taem. (Php 1:9, 10) Storyim klia lo Jehovah samting wea student blo iu needim. Prea for holy spirit gaedem tingting blo iu and wanem iu bae duim. (Lu 11:13) Teachim Bible student blo iu hao for prea, and encouragem hem for prea. Taem iu prea witim olketa Bible student blo iu, prea for olketa and talem nem blo olketa.

WATCHIM VIDEO HAPI TAEM IUMI ACCEPTIM HELP BLO JEHOVAH FOR MEK DISAEPOL​—PREA, AND THEN ANSAREM OLKETA KWESTIN HIA:

• Wanem challenge nao Neeta feisim taem hem study witim Jade?

• Hao nao 1 Corinth 3:6 helpem Neeta?

• Hao nao Neeta winim datfala challenge?