Waswe, Iu Iusim Audio Bible?

Wat nao audio Bible? Audio Bible hem recording blo revised New World Translation. Olketa isisi releasem lo staka languis. Wanfala interesting samting abaotem audio Bible hem nao wei wea olketa iusim olketa difren voice for evri difren Bible character. Olketa strongim olketa word and readim witim feeling for mekem Bible message hem accurate.

Hao nao samfala kasem gud samting from audio Bible? Staka wea lisin evritaem lo audio Bible laekem hao audio Bible mekem Toktok blo God hem barava real lo olketa. Taem olketa herem olketa difren voice for each Bible character, olketa savve imaginim gud datfala Bible story and minim gud wat nao olketa raetem. (Pr 4:5) Staka faendem hao taem olketa lisin lo audio Bible datwan mekem olketa for feel gud taem olketa wari tumas.​—Ps 94:19.

Taem iumi herem olketa readim big Toktok blo God, datwan savve affectim laef blo iumi. (2Ch 34:19-21) If samfala part or full audio Bible hem stap lo languis wea iu minim, hem gud for iu mekem hem part lo spiritual schedule blo iu for lisin lo hem evritaem.

WATCHIM VIDEO HAO OLKETA WAKEM AUDIO BIBLE​—SAMFALA PART LO VIDEO, AND THEN ANSAREM KWESTIN HIA:

Wat nao iu tinghae lo hem lo hao olketa wakem audio Bible?