Wat Nao Olketa Spiritual Goal blo Iu for Niu Service Year?

Olketa spiritual goal hem eni samting wea iumi waka hard for kamap gud lo hem and duim samting wea bae mekem Jehovah hapi. Olketa spiritual goal helpem iumi for kamap mature lo truth, and bae iumi kasem gud samting taem iumi iusim taem and strong blo iumi. (1Ti 4:15) Why nao iumi need for impruv lo olketa spiritual goal blo iumi evritaem? Bikos laef savve change. Maet wanfala goal wea iumi garem bifor hem no fitim distaem, or maet iumi kasem finis and iumi savve markem niu goal.

Gudfala taem for markem olketa spiritual goal hem bifor niu service year hem start. Hem gud for story abaotem diswan lo taem blo famili worship and markem samfala goal for iuseleva and for famili.

Wat nao samfala goal wea iu markem lo olketa samting hia, and wat nao iu plan for duim for kasem olketa goal hia?