LAEF BLO CHRISTIAN

Followim Example blo Jehovah for Showimaot Loyal Love

Jehovah hem nambawan example lo wei for showimaot loyal love. (Ps 103:11) Hem no kaen love wea iu seke nomoa garem, and then no longtaem hem finis tu. Loyal love hem kaen love wea samwan garem and hem stap for olowe. Jehovah showimaot disfala fasin for pipol blo hem Israel lo staka difren wei. Hem mekem olketa kamap free from wei for prisoner lo Egypt and hem tekem olketa go lo Promis Land. (Ps 105:42-44) Hem faet for sevem pipol blo hem and hem evritaem forgivim olketa taem olketa sin againstim hem. (Ps 107:19, 20) Taem iumi ting raonem olketa wei wea Jehovah hem showimaot loyal love, datwan bae muvim iumi for laek followim example blo hem.—Ps 107:43.

Olketa piksa: Piksa wea kam from video “Ting Raonem Olketa Samting Wea Jehovah Duim Wea Showimaot Strongfala Love Blo Hem,” 1. Brata Capra and nara brata visitim wanfala sista lo haos blo hem. 2. Brata Capra, wea distaem hem stap lo prison cell witim olketa nara brata and hem givim kaikai lo wanfala brata wea sik and leidaon lo bed.

WATCHIM VIDEO “TING RAONEM OLKETA SAMTING WEA JEHOVAH DUIM WEA SHOWIMAOT STRONGFALA LOVE BLO HEM,” AND THEN ANSAREM OLKETA KWESTIN HIA:

Lo olketa wanem wei nao iumi savve showimaot loyal love?

Your answer
Why nao wei for showimaot loyal love hem needim wei for mekem olketa sakrifaes?

Your answer