LAEF BLO CHRISTIAN
Olketa Shepherd Waka Hard for Helpem Pipol blo Jehovah Kasem Gud Samting
Staka pipol savve garem negative tingting abaotem olketa wea garem paoa. Iumi savve why hem olsem. History showimaot staka pipol iusim rong paoa wea olketa garem, mekem olketa kasem gud samting for olketa seleva. (Mic 7:3) Bat iumi barava tinghae lo olketa elder lo kongregeson wea iusim paoa wea olketa garem for helpem pipol blo Jehovah kasem gud samting.—Es 10:3; Mt 20:25, 26.
Olketa elder no olsem olketa wea garem paoa lo disfala world bikos wei wea olketa lukaftarem pipol hem from love wea olketa garem for Jehovah and pipol blo hem. (Joh 21:16; 1Pe 5:1-3) Anda lo direction blo Jesus, olketa shepherd hia helpem each pablisa for feel olsem olketa part lo famili blo Jehovah wea worshipim hem and for gohed fren gud witim Jehovah. Olketa kwiktaem givim spiritual help lo olketa sheepsheep blo Jehovah and helpem olketa taem wanfala medical emergency kamap, or lo taem blo wanfala disaster. If iu needim help, hem gud for contactim wanfala elder lo kongregeson blo iu.—Jas 5:14.
WATCHIM VIDEO OLKETA SHEPHERD WEA LUKAFTAREM OLKETA SHEEPSHEEP, AND THEN ANSAREM OLKETA KWESTIN HIA:
Hao nao Mariana kasem gud samting from help wea olketa elder givim?
Hao nao Elias kasem gud samting from help wea olketa elder givim?
Hao nao olketa experience hia affectim hao iu ting abaotem waka wea olketa elder duim?