LAEF BLO CHRISTIAN

Helpem Pipol wea No Interest lo Religion for Savve lo Creator

Waswe, enitaem iu hol bak for preach lo pipol wea no interest lo religion bikos iu tingse olketa bae no laek for lisin? If iu ting olsem, remember dat staka pipol wea no interest lo religion, olketa kamap Jehovah’s Witness, nomata pipol wea no biliv lo God tu. Staka taem, wat olketa needim hem for helpem olketa savve lo pruv wea showimaot God hem stap.—Ro 1:20; 10:14.

WATCHIM VIDEO REMEMBER—PIPOL WEA NO GAREM FAITH SAVVE GAREM FAITH!—PIPOL WEA NO INTEREST LO RELIGION, AND THEN ANSAREM KWESTIN HIA:

Hao nao experience blo Tommaso helpem iu for garem positive tingting taem iu preach lo pipol wea no interest lo religion?

Ansa blo iu

Wat for duim

If samwan sei hem no biliv lo God, iumi mas story kaen and barava showimaot iumi interest lo tingting and feeling blo hem abaotem datfala subject. (2Ti 2:24) Storyim olketa topic wea hem bae interest lo hem. Waswe, hem feel free for storyim pruv wea mekem staka for bilivim wanfala Creator hem stap? Sapos olsem, iusim olketa pablikeson and video wea olketa designim for datwan. Olketa brochure olsem Was Life Created? and The Origin of Life—Five Questions Worth Asking hem stap tu lo Teaching Toolbox mekem hem kwiktaem for iumi faendem.

Firstaem, maet iu no feel free for story abaotem truth lo samwan wea no biliv lo God. Hem gud for askem wanfala pablisa wea garem experience for helpem iu. Tingim tu, Jehovah savve helpem iumi for kasem heart blo olketa wea laekem laef olowe—nomata sapos lo firstaem olketa no bilivim dat God hem stap.—Ac 13:48.