Iu Savve Disaed for Garem Gud Laef

Samting olsem 3,500 year go finis, Jehovah talem olketa wea worshipim hem wanem olketa mas duim mekem olketa garem gud laef. Hem sei: ‘Yufala nomoa mas siusim wei blong yufala. Yufala laekem Jehovah fo blesim yufala, o yufala laekem Jehovah fo spoelem yufala? So waswe, yufala laekem laef, o yufala laekem dae? Mi laekem tumas fo yufala siusim laef! Jehovah nomoa hemi save givim laef long yufala an olketa long laen blong yufala.’​—Diutronomi 30:19, 20.

If olketa hia laek for garem gud laef, olketa mas mekem gud disison. Iumi tu savve duim sem samting. Bible storyim wanem iumi savve duim for garem gud laef. Hem sei: “Yufala mas lavem [Jehovah], God blong yufala, an herem hem.”—​Diutronomi 30:19, 20.

WAT NAO IU SAVVE DUIM FOR LOVEM JEHOVAH AND HEREM HEM?

LANE FROM BIBLE: Taem iu lane abaotem Jehovah lo Bible, datwan savve helpem iu for lovem hem. Iu bae luksavve hem God wea showim love and hem laekem iu for garem gud laef. Hem laekem iu for prea lo hem “bikos hem tingim [iu].” (1 Peter 5:7) Bible sei if iu traem best for lane abaotem hem, then “bae hem fren gud witim [iu].”​—James 4:8.

FOLLOWIM WANEM IU LANEM: Taem iu followim advaes lo Bible, datwan showim iu herem God. Sapos iu duim olsem, “olketa waka blo yu bae hemi save gohed gudfala.”​—Josua 1:8.