Experience

Showimaot Feeling for Sorre lo Narawan

Wanday wanfala sista lo New Zealand watchim video wea garem title, “Have . . . Concern for One Another.” Datfala video storyim hao Jehovah no sorre lo olketa narawan nomoa, bat hem duim samting for helpem olketa. (Isa. 63:​7-9) Sista hia disaed for applyim wat hem lanem and lukaotem chance for helpem narawan. Taem hem go shopping lo datfala day, hem meetim wanfala homeless woman and talem bae hem peim kaikai for hem. Datfala woman acceptim. Taem sista kam bak witim kaikai, hem iusim datfala chance for preach lo woman hia and hem showim datfala tract, Waswe, Wei for Safa Bae Finis?

Datfala woman start for krae. Hem sei parents blo hem Witness and tufala teachim truth lo hem taem hem smol, bat hem no duim eni samting. And no long taem go nomoa, hem prea for Jehovah helpem hem kam bak lo truth. Datfala sista givim wanfala Bible lo hem and mekem arrangement for tufala study.a

Iumi savve followim example blo Jehovah for sorre lo pipol, wea insaed diswan hem olketa relative and olketa brata and sista lo kongregeson. And iumi savve showim diswan taem iumi lukaotem chance for preach lo olketa narawan.