Hao Nao for Iu Savve Gud lo God?

Ansa from Bible

For savve lo God, iu mas lane abaotem hem and duim olketa samting wea mekem hem hapi. Then God bae hem ‘kam klosap lo iu.’ (James 4:8) Bible assurem iumi dat God “hem nating stap farawe from each wan lo iumi.”—Acts 17:27.

• Olketa step for savve lo God

• Tingting wea no stret abaotem wei for savve lo God

Olketa step for savve lo God

Readim Bible

• Wat Bible talem: “Evri Scripture hem kam from God.”—2 Timothy 3:16.

• Mining: God nao Author blo Bible. Hem putim tingting blo hem lo mind blo olketa Bible raeta. Thru lo disfala unique buk, God talem iumi wat nao hem laekem for iumi duim. And tu, hem talem iumi personality blo hem includim love, justice, and mercy blo hem.—Exodus 34:6; Deuteronomy 32:4.

• Wat iu savve duim: Readim Bible evriday. (Joshua 1:8) Ting raonem wat iu readim, askem iuseleva: ‘Wat nao diswan teachim mi abaotem God olsem wanfala real Person?’—Psalm 77:12.

  For example, readim Jeremiah 29:11, and then askem iuseleva: ‘Wat nao God laekem mi for garem, peace or trabol? Hao, God hem man wea savve panisim mi for rong mi duim, or hem laekem mi for garem gud future?’

Observim creation

• Wat Bible talem: “Olketa wei blo God wea man no savve lukim hem showaot klia start kam lo creation blo world kam kasem distaem, bikos olketa showaot klia lo olketa samting wea hem wakem.”—Romans 1:20.

• Mining: Creation showimaot olketa quality blo God, semsem olsem wanfala art hem showim staka samting abaotem datfala artist or wanfala machine showim staka samting abaotem man wea inventim. For example, capacity and complexity blo human brain hem showim wisdom blo God, and energy blo sun and other stars hem showim paoa blo God.—Psalm 104:24; Isaiah 40:26.

• Wat iu savve duim: Tekem taem for observim and lane abaotem creation. Askem iuseleva ‘Wat nao olketa amazing design hia blo nature showim abaotem God?’a Hem tru, staka tings lo nature no showim evri samting abaotem Creator blo iumi. Dastawe, hem givim iumi Bible.

Iusim nem blo God

• Wat Bible talem: “Bae mi protectim hem bikos hem savve lo nem blo mi. Bae hem kol kam lo mi, and bae mi ansarem hem.”—Psalm 91:14, 15.

• Mining: God, wea nem blo hem Jehovah, hem givim spesol attention lo olketa wea savve lo nem blo hem and respectim.b (Psalm 83:18; Malachi 3:16) God talem personal nem blo hem bikos hem laekem iumi for savve lo hem. Bible sei: “Mi Jehovah. Datwan nao nem blo mi.”—Isaiah 42:8.

• Wat iu savve duim: Iusim nem Jehovah taem iu story abaotem hem.

Story lo Jehovah lo prea

• Wat Bible talem: “Jehovah hem stap klosap lo evriwan wea kol lo hem.”—Psalm 145:18.

• Mining: Jehovah kam klos lo olketa wea prea lo hem from olketa garem faith. Prea hem important samting lo worship wea showim iumi garem deep respect for God.

• Wat iu savve duim: Prea evritaem lo God. (1 Thessalonians 5:17) Talem olketa wari blo iu lo hem and hao iu feel.—Psalm 62:8.c

Garem faith lo God

• Wat Bible talem: “Man wea no garem faith hem no savve mekem God hapi.”—Hebrews 11:6.

• Mining: For kam klos lo God, iumi mas garem faith lo hem. Taem Bible story abaotem faith, hem minim moa samting winim for biliv dat God hem exist. Hem minim tu for garem complete trust lo hem, includim olketa promis and standard blo hem. For garem gud relationship, trust hem important samting.

• Wat iu savve duim: Tru faith hem base lo knowledge. (Romans 10:17) So studyim Bible and pruvim seleva dat iu savve trustim God and advaes blo hem. Olketa Jehovah’s Witness bae hapi for studyim Bible witim iu.d

Duim wat God hapi lo hem

• Wat Bible talem: “Samting wea showimaot iumi lovem God, hem taem iumi obeyim olketa komandment blo hem.”—1 John 5:3.

• Mining: Jehovah hem klos lo pipol wea showim olketa lovem hem and duim best blo olketa for obeyim olketa komandment blo hem.

• Wat iu savve duim: Taem iu studyim Bible, lukim wat nao God laekem and no laekem. Askem iuseleva, ‘Wat nao olketa samting wea mi need for adjustim mekem Creator blo mi hapi lo mi?’—1 Thessalonians 4:1.

Lukim hao God kea for iu taem iu applyim advaes blo hem

• Wat Bible talem: “Taem iu traem bae iu lukim hao [God] hem gud.”—Psalm 34:8, The Bible in Basic English.

• Mining: God invaetem iu for lukim hao hem gud. Taem iu lukim hem lovem and sapotim iu, iu bae laek for kam klos lo hem.

• Wat iu savve duim: Taem iu readim Bible, applyim advaes blo God and experiencem olketa benefit iu kasem from datwan. (Isaiah 48:17, 18) And tu, lukim olketa real laef example blo pipol wea God helpem olketa for ovakamim olketa challenge, impruvim laef blo olketa and laef blo famili, and frens blo olketa and olketa kasem tru hapi.e

Tingting wea no stret abaotem wei for savve lo God

Tingting wea no stret: Iumi hard for savve lo God bikos hem wanfala mystery.

Tru samting: Samfala samting abaotem God hem difficult for minim, olsem hem wanfala Spirit wea iumi no savve lukim. Still, iumi fit for savve gud lo God. Really, Bible hem sei in order for kasem laef olowe, iumi mas savve lo God. (John 17:3) Bible iusim olketa toktok wea iumi savve understandim, taem hem story abaotem Creator blo iumi, olketa personality blo hem, purpose blo hem for olketa man and disfala earth, and olketa standard blo hem. (Isaiah 45:18, 19; 1 Timothy 2:4) And olsem iumi storyim finis, Bible storyim tu nem blo God. (Psalm 83:18) Iumi no only savve lo God bat iumi savve kam klos lo hem tu.—James 4:8.