Hao Nao Mi Savve Mekem Olketa Gud Disison?

Ansa from Bible

Bible givim iumi excellent guidance lo hao for mek disison. Hem savve helpem iumi for “waka hard for kasem wisdom [and] wei for minim samting.” (Proverbs 4:5) Samfala taem, hem talem iumi wat nao hem best disison. And samtaems, hem advaesem iumi for savve wat for duim for mekem wise disison.

Lo disfala article

• Tips for helpem iu mekem gud disison

• Hao, mi shud changem disison mi mekem finis?

• Wat if mi mekem nogud disison wea mi no fit for changem?

Tips for helpem iu mekem gud disison

• No rush for mekem disison. Bible sei: “Man wea wise ting raonem each step blo hem.” (Proverbs 14:15) If iu rush for mekem disison, maet bae iu misstim important information. Tekem taem for ting raonem gud wat nao olketa option blo iu.—1 Thessalonians 5:21.

• No mekem disison base nomoa lo emotion or feeling. Bible warnim iumi dat iumi shud no trustim heart blo iumi. (Proverbs 28:26; Jeremiah 17:9) For example, maet iumi no savve mekem gud disison taem iumi kros, depress, discourage, no patient, or even taed tumas.—Proverbs 24:10; 29:22.

• Prea for wisdom. (James 1:5) God hapi for herem kaen prea olsem. Hem Dadi wea kea, wea laekem olketa pikinini blo hem for avoidim olketa unnecessary problem. “Jehovah nao givim wisdom. Knowledge and wei for luksavve kam from mouth blo hem.”a (Proverbs 2:6) Hem givim wisdom mainly thru lo Word blo hem, Bible.—2 Timothy 3:16, 17.

• 

  Duim research. For mekem gud disison, iu needim reliable information. Olsem Bible talem, “man wea wise hem lisin and gohed for lanem samting.” (Proverbs 1:5) Wea nao iu savve faendem helpful and reliable information?

  First, lukim wat nao Bible talem abaotem wat iu bae disaedem. Bikos Creator blo iumi savve wat nao best samting for iumi, Word blo hem garem most reliable advaes. (Psalm 25:12) For samfala disison, Bible givim klia direction, maet thru lo law or komand. (Isaiah 48:17, 18) Bat, lo staka nara samting, Bible no talem specific samting abaotem datwan. Instead, hem provaedem guidance thru lo olketa Bible principle. Diswan savve helpem iumi for mekem gud disison, and still letem iumi for followim wat iumi seleva laekem. For savve lo olketa important Bible verse for datwan, duim research lo olketa Bible base article or pablikeson, wea hem free and available lo disfala website.b

  For samfala disison, maet iu need for examinim information from olketa nara trustworthy source. For example, bifor iu baem samting, especially wanfala expensive product, hem wise for iu duim research firstaem abaotem datfala product and company wea producem, includim tu eni policy abaotem warranty or if iu laek for returnim. And iu shud mek sure tu product hia hem nao exactly wat iu needim.

  Bible sei: “Olketa plan savve fail taem pipol no story tugeta.” (Proverbs 15:22) So bifor iu disaed, story witim olketa trustworthy person. For example, hem wise for iu story witim wanfala doctor abaotem eni medical disison. (Matthew 9:12) Lo samfala situation, hem gud for iu story witim pipol wea feisim tu semkaen situation olsem iu. Tingim, iu nao mas mekem disison, no pipol wea iu story witim, bikos iu nao bae kasem result blo wat iu disaedem.—Galatians 6:4, 5.

• 

  Weighim evri factor. Afta iu kasem evri information, maet iu need for listim daon olketa option blo iu, witim tu wat nao advantage and disadvantage blo each option. And honest taem iu considerem olketa possible consequence blo disison blo iu. (Deuteronomy 32:29) For example, hao nao maet disison iu mekem bae affectim iu, famili blo iu, or olketa narawan? (Proverbs 22:3; Romans 14:19) If iu ting raonem olketa kwestin olsem witim olketa Bible principle, bae hem helpem iu for mekem wise disison and wea showim love.

• Mekem disison. Samtaems, maet iumi hol bak for disaedem samting bikos iumi no sure. Bat if iumi no savve disaed, maet iumi bae miss aot lo wanfala opportunity or endap lo situation wea iumi no laekem. Or iumi savve sei, for no savve disaed hem semsem olsem man mekem poor disison. Bible sei taem hem iusim wanfala agricultural metaphor: “If iu weit for taem wind and weather hem gud, hard for iu plantim eniting and hard for iu harvestim eniting.”—Ecclesiastes 11:4, Good News Translation.

And tingim tu, dat even best disison maet datwan hem no wanfala perfect disison. Staka taem for mekem choice datwan involvim sakrifaes. And tu, samting wea man no expectim savve happen. (Ecclesiastes 9:11) So iusim best information wea hem available for iu, and chusim option wea hem most likely for succeed.

Hao, mi shud changem disison mi mekem finis?

No evri disison hem final. Situation blo iu maet change, or maet iu faendaot dat wat iu disaedem finis hem garem samfala consequence wea iu no expectim. So, maet hem wise for iu tingting moa abaotem datfala disison and chusim nara option wea iu bae kasem result iu laekem.

Bat, samfala disison, shud no change. (Psalm 15:4) For example, God expectim marit couple for keepim marit vow blo tufala.c (Malachi 2:16; Matthew 19:6) Taem problem kamap insaed marit, tufala shud mekem evri effort for solvem and no just letem datwan spoelem marit.

Wat if mi mekem nogud disison wea mi no fit for changem?

Samtaems lo laef, iumi evriwan savve mekem nogud or unwise disison. (James 3:2, footnote) Maet iumi regretim or feel guilty, which hem normal. (Psalm 69:5) For sure, olketa negative feeling olsem wea balance hem gud samting, if hem stopem iumi for no mekem olketa sem mistek moa! (Proverbs 14:9) Dastawe, Bible advaesem iumi for no feel guilty tumas, bikos hem savve spoelem iumi mentally or emotionally. (2 Corinthians 2:7)d Bible sei: “Jehovah garem bigfala mercy and tingim man.” (Psalm 103:8-13) So trae for lane from nogud disison blo iu wea iu no savve changem and duim wat iu fit for duim for impruv lo datwan.