Hao, Devil Hem Wanfala Angel wea Stap?

Ansa from Bible

Yes, Devil hem wanfala really angel wea stap. Hem nao “rulim disfala world” and hem wanfala angel wea wicked and againstim God. (John 14:30; Ephesus 6:11, 12) Bible iusim olketa nem hia for showim hu nao Satan and olketa wei blo hem:

Satan, wea minim man for tok againstim nara man.—Job 1:6.
Devil, wea minim man for laea for spoelem narawan.—Revelation 12:9.
Snek, wea Bible savve iusim for minim man for trikim nara man.—2 Corinth 11:3.
Man for traem narawan.—Matthew 4:3.
Man for laea.—John 8:44.

Devil hem no wanfala nogud wei wea stap insaed lo olketa man

Samfala sei Satan datfala Devil hem wanfala nogud wei nomoa wea stap insaed lo iumi olketa man. Bat Bible storyim God and Satan story lo each other. God hem perfect, so hard for hem garem eni nogud wei mekem hem story lo hem. (Diutronomi 32:4; Job 2:1-6) Olsem tu, Satan hem traem Jesus wea hem perfect. (Matthew 4:8-10; 1 John 3:5) So Bible showim hao Devil hem really stap and hem no just wanfala nogud wei nomoa.

Hao, iumi shud sapraes from staka pipol no bilivim dat Devil hem wanfala angel wea really stap? Nomoa, bikos Bible sei Satan iusim olketa difren samting for trikim pipol. (2 Thessalonica 2:9, 10) Wanfala lo olketa main trik blo hem nao hem for blindim mind blo pipol mekem olketa tingse hem no really stap.—2 Corinth 4:4.

Tingting wea no stret wea pipol garem abaotem Devil

Tru samting: Datfala Hebrew toktok wea lo samfala Bible olketa transleitim “Lucifer” hem minim “moning sta.” (Aesaea 14:12) Lo olketa nara verse lo Isaiah chapter 14, disfala toktok “moning sta” hem stand for olketa difren King lo Babylon wea God mek shame lo olketa bikos olketa praod. (Aesaea 14:4, 13-20) Olketa iusim disfala toktok “moning sta” for mek fani lo olketa King blo Babylon bihaen olketa finis.

Tru samting: Devil hem enemy blo God, no wakaman blo hem. Satan datfala Devil hem man for againstim and accusim pipol blo God.—1 Peter 5:8; Revelation 12:10.