Why Nao Pipol Dae?

Ansa from Bible

Hem normal for wonder why nao pipol dae, especially taem samwan wea klos lo iumi nao dae. Bible sei: “Pain wea mekem man dae hem sin.”​—1 Corinthians 15:56.

Why nao evri pipol sin and dae?

Tufala first human, Adam and Eve, dae bikos tufala sin againstim God. (Genesis 3:17-19) Dae nao only result blo wei wea tufala rebel againstim God, bikos hem nao “source blo laef.”​—Psalm 36:9; Genesis 2:17.

Adam pasim sin lo evriwan wea kam from laen blo hem. Bible sei: “Thru lo wanfala man nomoa sin kam insaed lo world and dae hem kamaot from sin, so dae hem kasem evriwan bikos evriwan sin.” (Romans 5:12) Evri pipol dae bikos olketa evriwan sin.​—Romans 3:23.

Hao dae bae finis

God promisim hao taem bae kam wea “hem bae swallom daon dae for olowe.” (Isaiah 25:8) For finisim dae, hem mas finisim rut kos blo dae, wea hem nao sin. God bae iusim Jesus Christ, wea “aotem sin blo evri pipol lo disfala world” for duim diswan.​—John 1:29; 1 John 1:7.