Footnote

a Olsem disfala Lord’s Prea wea Jesus talem, prea bilong olketa Jew talem tu for ting long nem bilong God olsem hem holy. Nomata maet samfala sei disfala prea bilong olketa Jew olketa iusim long taem bilong Christ or bifor long taem bilong hem, iumi lukim hao samfala samting insaed tufala prea hia hem klosap semsem. Disfala prea wea Jesus talem hem no niu samting. Evri samting long datfala prea hem kam from olketa Scripture wea olketa Jew garem finis. Samting wea Jesus talem olketa Jew for prea abaotem, hem olketa sem samting wea olketa evritaem prea for hem.