-
Duim Samting Followim Datfala Lord’s Prea Part IWastaoa—2015 | June 15
-
-
“DADI BILONG MIFALA LONG HEVEN”
4. Datfala toktok “Dadi bilong mifala” mekem iumi for tingim wanem samting, and hao nao Jehovah hem Dadi bilong olketa wea bae laef long earth?
4 First samting wea Jesus talem long datfala prea hem olsem: “Dadi bilong mifala.” Diswan hem mekem iumi for tingim Jehovah hem Dadi bilong iumi evriwan wea insaed organization bilong hem. (1 Pet. 2:17) Jehovah adoptim olketa anointed Christian olsem olketa son bilong hem for stap long heven, so hem barava fitim for olketa hia kolem Jehovah, “Dadi” bilong olketa. (Rome 8:15-17) Olketa wea garem hope for laef olowe long earth tu savve kolem hem “Dadi.” Jehovah nao givim laef long olketa and provaedem evri samting wea olketa needim. Olketa hia bae kamap “olketa pikinini bilong God” bihaen olketa kamap perfect and showimaot olketa faithful long Jehovah long lastfala test.—Rome 8:21; Rev. 20:7, 8.
-
-
Duim Samting Followim Datfala Lord’s Prea Part IWastaoa—2015 | June 15
-
-
“MIFALA LAEKEM NEM BILONG IU FOR HOLY”
7. Wanem bigfala privilege nao iumi garem, bat wanem nao iumi mas no duim?
7 Iumi garem bigfala privilege for savve long nem bilong God and for “garem nem bilong hem.” (Acts 15:14; Isa. 43:10) Taem iumi prea long Dadi bilong iumi long heven, iumi sei: “Mifala laekem nem bilong iu for holy.” Maet iumi askem hem tu for helpem iumi for no duim or talem eni samting wea bae spoelem nem bilong hem. Iumi no laek for olsem samfala long first century wea olketa seleva no duim samting wea olketa teachim for narawan duim. Aposol Paul sei long olketa: “Samting wea iufala duim hem mekem nara pipol barava tok spoelem nem bilong God.”—Rome 2:21-24.
8, 9. Storyim example wea showimaot Jehovah helpem olketa wea laek for mekhae long nem bilong hem.
8 Iumi laek for mekhae long nem bilong Jehovah long evri samting wea iumi duim. Taem hasband bilong wanfala sista long Norway hem dae, sista hia mas lukaftarem son bilong hem wea tu year nomoa. Sista sei: “Hem barava no isi for mi long datfala taem. Mi prea long Jehovah klosap evri hour long day, for hem helpem mi for garem gudfala tingting, mekem mi gohed faithful long hem and no duim eni samting wea Satan savve iusim for tok daonem Jehovah. Mi laek for mekhae long nem bilong Jehovah, and mi laekem son bilong mi for lukim moa dadi bilong hem taem hem laef bak long Paradaes.”—Prov. 27:11.
9 Waswe, Jehovah ansarem prea bilong sista hia? Yes. Sista hia kasem encouragement taem hem evritaem associate witim olketa brata and sista. Faevfala year bihaen, hem maritim wanfala elder. Son bilong hem, wea 20 year distaem, hem baptaes finis. Sista sei: “Mi hapi tumas hasband bilong mi helpem mi for lukaftarem boy bilong mi.”
10. Wanem nao God bae duim for mekem nem bilong hem holy?
10 Jehovah bae mekem nem bilong hem holy taem hem finisim evriwan wea spoelem nem bilong hem and no laek for stap anda long rul bilong hem. (Readim Ezekiel 38:22, 23.) Long datfala taem olketa man bae kamap perfect, and evriwan long heven and long earth bae worshipim Jehovah, and mekhae long nem bilong hem. Long datfala taem, Dadi bilong iumi long heven bae “rul ovarem evriwan.”—1 Cor. 15:28.
-