• Wanfala Really Hope for Olketa wea Dae Finis
    Taem Samwan wea Iu Lovem Hem Dae

    • Feeling wea Jesus garem abaotem dae bilong Lazarus showimaot klia hao Son bilong God garem bigfala love. Bigfala feeling bilong hem long datfala taem showimaot klia hao hem barava want for resurrectim olketa wea dae finis. Iumi read olsem: “Mary, taem hem kasem ples wea Jesus stap and lukim hem, hem foldaon front long hem, and sei: ‘Lord, sapos iu bin stap long hia, brata bilong mi bae no dae.’ So Jesus, taem hem lukim hem krae and olketa Jew wea kam witim hem olketa krae, hem barava feel pain long spirit and hem sorre tumas; and hem sei: ‘Wea nao iufala putim hem?’ Olketa sei long hem: ‘Lord, iu kam lukim.’ Jesus start for krae nao. Dastawe olketa Jew start for sei: ‘Lukim, hem really lovem hem!’”—John 11:32-36.

      Wei wea Jesus barava feel sorre hem showaot long thrifala toktok hia: “barava feel pain,” “sorre tumas,” and “hem krae.” Olketa firstfala languis wea olketa iusim for raetem disfala story showimaot hao, from Jesus hem sorre tumas taem hem herem gudfala fren bilong hem Lazarus hem dae and taem hem lukim tufala sista bilong Lazarus krae, wata kamaot from eye bilong Hem.a

      Bat samting wea mekem iumi interest hem wei wea Jesus resurrectim tufala man finis. And hem barava want for duim sem samting long Lazarus. (John 11:11, 23, 25) Bat, hem “krae.” So for mekem olketa man laef moa, hem no just wanfala waka nomoa for Jesus. Bigfala love and feeling wea showaot long datfala taem showimaot klia hao hem barava want for stretem olketa nogud samting wea kamaot from dae.

      Love wea Jesus garem taem hem resurrectim Lazarus showaot hem barava want for stretem olketa nogud samting bilong dae

  • Wanfala Really Hope for Olketa wea Dae Finis
    Taem Samwan wea Iu Lovem Hem Dae

    • a Disfala Greek word “barava feel pain” hem kam from disfala word (em·bri·maʹo·mai) wea minim hem pain fogud, or barava muvim man. Wanfala savveman bilong Bible sei olsem: “Long hia, hem savve minim wei wea bigfala feeling olsem kasholem Jesus wea mekem hem barava feel pain from heart bilong Hem.” Disfala toktok “sorre tumas” hem kam from wanfala Greek word (ta·rasʹso) wea minim hem feel nogud. Wanfala savveman sei hem minim “for mekem man feel no mas gud insaed, . . . mekem hem feelim bigfala pain or sorre.” Disfala toktok “hem krae” hem kam from wanfala Greek word (da·kryʹo) wea minim “for krae, krae kwaet nomoa.”