Wastaoa ONLINE LIBRARY
Wastaoa
ONLINE LIBRARY
Solomon Islands Pidgin
  • BIBLE
  • OLKETA PABLIKESON
  • OLKETA MEETING
  • ‘God Givim Holy Spirit Long Olketa and Olketa Hapi Tumas’
    “Barava Storyim Gud Kingdom Bilong God”
    • 5. Storyim preaching waka wea Barnabas and Saul duim long Cyprus.

      5 Barnabas and Saul baeleg go long harbor long Seleucia, wanfala taon klosap long Antioch long Syria. Then tufala go insaed boat for go long Cyprus, wanfala island wea stap samting olsem 160 kilometer from Seleucia.d From Barnabas hem man bilong Cyprus, masbi hem hapi tumas for storyim gud nius long pipol long hom. Taem tufala kasem Salamis, wanfala taon long east saed long Cyprus, stretawe tufala go “preach insaed olketa sinagog bilong olketa Jew.”e (Acts 13:5) Barnabas and Saul preach long wansaed long island go kasem narasaed. Luk olsem tufala preach long olketa main taon. Maet tufala missionary hia baeleg for samting olsem 160 kilometer!

      INSAED OLKETA SINAGOG BILONG OLKETA JEW

      “Sinagog” hem minim “hipap.” Hem wanfala sekson or kongregeson bilong olketa Jew, bat gogo hem minim ples or building wea olketa Jew hipap for prea.

      Pipol sei olketa Jew start for garem olketa sinagog taem olketa prisoner for 70 year long Babylon or stretawe bihaen olketa kamap free. Sinagog hem ples for lane, worship, readim olketa Holy Raeting, and for encouragem olketa Jew for followim olketa Holy Raeting. Long first century C.E., evri taon long Palestine garem sinagog. Olketa big taon garem winim wanfala sinagog, and Jerusalem garem staka sinagog.

      Bat taem olketa Jew kamap free from Babylon, no evriwan go bak long Palestine. Staka go long nara kantri for duim bisnis. Start long samting olsem 500 B.C.E., olketa Jew stap long 127 province wea Persia rulim. (Esther 1:1; 3:8) Gogo olketa Jew community stap long olketa taon wea stap klosap long Mediterranean Sea. Olketa buildim olketa sinagog long ples wea olketa stap.

      Long sinagog long evri Sabbath, wanfala man readim and explainim Law. Hem read kam from platform. Pipol sidaon long olketa chair long front and long tufala saed. Long sinagog, eni Jew man wea strong for followim biliv bilong hem savve readim Law, preach, and encouragem olketa Jew.

  • ‘God Givim Holy Spirit Long Olketa and Olketa Hapi Tumas’
    “Barava Storyim Gud Kingdom Bilong God”
    • d Long first century, sapos wind hem blow gud ship savve sail for samting olsem 150 kilometer long wanfala day. Bat sapos weather hem nogud, hem savve tek longtaem lelebet for kasem wanfala ples.

Solomon Islands Pidgin Pablikeson (1988-2024)
Log Aot
Log In
  • Solomon Islands Pidgin
  • Sharem
  • Settings
  • Copyright © 2025 Watch Tower Bible and Tract Society of Pennsylvania
  • Terms of Use
  • Privacy Policy
  • Privacy Setting
  • JW.ORG
  • Log In
Sharem