• ‘Sapos Man No Sev Bae Mi No Kasem Blame’
    “Barava Storyim Gud Kingdom Bilong God”
    • Paul and olketa fren blo hem go insaed wanfala ship. Olketa elder from Ephesus hagem Paul and krae.

      “Evriwan barava krae nao.”​—Acts 20:37

      22. Why nao olketa elder long Ephesus lovem Paul?

      22 Olketa elder long Ephesus lovem Paul bikos hem lovem olketa. Taem hem redi for lusim olketa, “evriwan barava krae nao. Olketa holem Paul and kissim hem.” (Acts 20:37, 38) Olketa Christian lovem and tinghae long olketa wea olsem Paul wea willing for givim taem, strong, and material samting for helpem kongregeson. Taem iumi tingim nambawan example wea Paul showimaot, iumi luksavve hem no tok praod or mekhae long hemseleva taem hem sei: “Sapos eniwan hem no sev, bae mi no kasem blame for datwan.”​—Acts 20:26.