• Paoa for Mekem Samting Kam Bak Moa—​Jehovah “Mekem Evri Samting Kamap Niu”
    Kam Klos Long Jehovah

    • 3. Wanem hope wea givim comfort nao stap long Acts 3:21, and Jehovah bae fulfillim thru long wanem?

      3 So, iumi kasem comfort taem iumi lane abaotem paoa bilong Jehovah for mekem samting kam bak moa! Bae iumi lukim staka samting wea God bae mekem kam bak moa for olketa pikinini bilong hem long earth. Tru nao, Bible showimaot hao purpose bilong Jehovah hem for “mekem evri samting kam bak moa.” (Acts 3:21) For duim diswan, Jehovah bae iusim Messiah Kingdom, wea Son bilong hem Jesus Christ rulim. Evri samting pruvim disfala Kingdom hem start for rul long heven long 1914.a (Matthew 24:3-14) Wanem nao bae kam bak moa? Iumi bae lukluk long samfala nambawan wei wea Jehovah mekem samting kamap gud moa. Wanfala nao iumi lukim distaem and hem affectim iumi. Olketa narawan bae happen long bigfala wei long future.

  • Paoa for Mekem Samting Kam Bak Moa—​Jehovah “Mekem Evri Samting Kamap Niu”
    Kam Klos Long Jehovah

    • a Wei for “mekem evri samting kam bak moa” hem start taem samwan from laen bilong faithful King David hem rul long datfala Messiah Kingdom. Jehovah promisim David dat wanfala king from laen bilong hem bae rul for olowe. (Psalm 89:35-37) Bat bihaen Babylon hem distroem Jerusalem long 607 B.C.E., no eni man wea kam from laen bilong David hem rul long throne bilong God. Jesus, wea born long earth from laen bilong David, hem nao kamap datfala King wea God promisim, taem hem kasem throne long heven.