Wanem nao olketa trik bilong Satan? Insaed leta for olketa long Ephesus, Paul storyim olketa olsem “evri trik.”a (Ephesians 6:11; footnote) Satan putim olketa kleva trik front long iumi mekem iumi bae brekem faithful fasin bilong iumi. Iumi thankiu tumas from iumi luksavve long olketa trik hia, from record bilong olketa trik bilong Devil stap insaed Word bilong God for iumi lukim. Olketa taem wea Satan trae hard for distroem faithful fasin bilong Jesus and Job hem olsem example long samfala wei wea hem iusim for trae for brekem Christian faithful fasin bilong iumi.