Part 5
Number One Present Belong Free Will
1, 2. Wanem now number one present where him part belong every fashion belong you-me?
FOR MEANIM GOOD why God him lettim man for suffer and wanem him by-by doim for straightim this one, you-me need for think high long way where him workim you-me. Him no just create-im you-me withim body and brain no more, but withim every special fashion long side belong mind and feeling too.
2 One-fella main part belong fashion belong you-me long side belong mind and feeling him free will (fashion for free for doim something). True now, God him plantim long you-me freedom (way for stop free) for choose-im something. Him barava number one present from him.
Way Where God Workim You-me
3-5. Why now you-me think high long free will?
3 This time you-me think long way where free will him join inside long way where God lettim man for suffer. First time, think long this one: Which way, you think high long way where you gettim freedom for choose-im wanem you by-by doim or tellim, wanem you by-by kaikai-im and wearim, wanem kind work you by-by doim, and where and how you by-by live? Or which way, you wantim someone for tellim you every word where you must tellim and every something where you must doim long living belong you?
4 No any man where no sick wantim other-fella people for bossim life belong him every bit. Why now all-same? From him now way where God workim you-me. Bible him tellim you-me how God create-im man followim ‘fashion’ belong him, and freedom for choose-im something him one-fella long every fashion where God himself gettim. (Genesis 1:26; Deuteronomy 7:6) Time him create-im all’gether man, him give-im them that-fella same number one fashion—present belong free will. That one now him one-fella something where make-im you-me feel no good and no happy for stop under long all’gether bad-fella ruler.
5 There now, way where you-me wantim freedom him no come up self, from God him God belong freedom. Bible him say: “Place where spirit belong Jehovah him stop, freedom him stop too.” (2 Corinthians 3:17) There now, God give-im free will long you-me all-same part long every fashion belong you-me. From him savvy long way where mind and feeling belong you-me they work, him savvy how you-me by-by barava happy, time you-me gettim free will.
6. How now God create-im brain belong you-me for work followim free will?
6 For join go withim present belong free will, God give-im you-me this-fella savvy about how for think, how for meanim every something, and how for savvy long wanem now straight and wanem now wrong. (Hebrews 5:14) There now, free will him gettim foundation long way where man savvy choose-im something followim good-fella thinkthink and savvy belong him. God no workim you-me all-same all’gether robot (machine where savvy doim work belong man) where no gettim mind for doim something followim wanem himself like-im. And God no create-im you-me all-same animal where doim something followim instinct (fashion for doim something where him born come withim and him no savvy change-im). But, God workim number one brain belong you-me for work followim freedom belong you-me for choose-im something.
Best Start
7, 8. Wanem kind good-fella start now God give-im long first-fella daddy and mummy belong you-me?
7 For show out way where God him barava care long man, God him give-im first-fella daddy and mummy belong you-me, Adam and Eve, every something where all’gether man wantim, and too, present belong free will. God puttim them inside big-fella paradise where look good too much. They gettim staka material something. They gettim perfect mind and body, so they no need for come up old or sick or die—they fit for life all-the-way. They fit for gettim all’gether perfect pikinini where savvy gettim happy future and stop all-the-way too. And all’gether man where by-by come up from them savvy gettim work where bringim them happy for change-im whole earth for come up paradise.—Genesis 1:26-30; 2:15.
8 Bible him say all-same time him story about every something where God provide-im: “God him lookim every something where him workim, and lookim! him good too much.” (Genesis 1:31) Bible tellim this one too about God: “Every work belong him they perfect.” (Deuteronomy 32:4) True now, Creator him give-im family belong all’gether man one-fella perfect start. No any something him savvy winnim this one. True now, him one-fella God where show out him barava care!
Freedom Him Gettim Rule Where Stop Roundim
9, 10. Why now free will must gettim some-fella rule too?
9 No matter all-same, which way, God him plan for free will here no gettim rule where stop roundim? Thinkim one-fella city where busy too much where no gettim all’gether law for people where drive-im truck must followim, where everyone savvy drive long any kind way and any kind speed no more. Which way, you want for drive time everyone doim all-same? No more now, from that one savvy make-im every something long road they cranky all about and staka accident savvy happen too.
10 This one him samesame too withim present belong God belong free will. Freedom where no gettim any rule savvy make-im all’gether people they cranky all about. All’gether law must stop for all’gether man followim long living belong them. Word belong God him say: “Gettim thinkthink all-same man where free for doim something, and nothing use-im freedom where you-fella gettim all-same one-fella excuse for doim bad-fella fashion.” (1 Peter 2:16, JB) God him wantim free will for gettim some-fella rule for make-im this one savvy helpim all’gether man. Him plan for you-me gettim, no freedom where free every bit, but freedom where gettim some-fella rule, where must stop under long rule belong law.
All’gether Law belong Who Now?
11. God him workim you-me for followim all’gether law belong who now?
11 God workim you-me for obeyim all’gether law belong who now? 1 Peter 2:16 (JB) him say: “You-fella all’gether slave no belong man but belong God no more.” Him no meanim you-me stop all-same slave belong one-fella bad-fella ruler, but, him meanim you-me by-by barava happy, time you-me stop under long all’gether law belong God. (Matthew 22:35-40) All’gether law belong him, where good too much winnim any law where all’gether man make-im, they provide-im best way for leadim you-me. “Me now Jehovah, God belong you-fella, this One where teachim you-fella for catchim good-fella something, this One where make-im you-fella followim road where you-fella must walkabout long him.”—Isaiah 48:17.
12. Wanem kind freedom for choose-im something now you-me gettim inside long all’gether law belong God?
12 Long same time, all’gether law belong God give-im all’gether man freedom for choose-im something where they like-im, but inside long all’gether rule where stop roundim. This one make-im all’gether man they different from each other and gettim staka different kind fashion. Thinkim all’gether different kind kaikai, calico, music, art, and house everywhere long world. True now, you-me want for choose-im self every something all-same and no wantim other-fella people for decide for you-me.
13. Wanem now all’gether physical law where you-me must obeyim for bringim come good-fella something long you-me self?
13 There now, God create-im you-me for barava happy, time you-me stop under long all’gether law where him make-im for you-me followim long living belong you-me. Him samesame withim way where you-me must stop under long all’gether physical law belong God. For example, suppose you-me no obeyim law belong gravity and jump go down from one-fella high place, you-me by-by carryim kill or die finish. Suppose you-me no obeyim all’gether law where stop inside long body belong you-me and you-me no kaikai, drinkim water, or breathe-im air, you-me by-by die now.
14. How now you-me savvy God no create-im you-me for stop independent from him?
14 True now, all-same God create-im you-me withim need for stop under long all’gether physical law belong him, him create-im you-me too withim need for stop under long all’gether law belong him long side belong fashion and living. (Matthew 4:4) God no create-im all’gether man for stop independent from Man Where Workim them and they still savvy stop happy. Prophet Jeremiah him say: “Him no fittim man where walkabout for straightim go-go belong him. Straightim me, O Jehovah.” (Jeremiah 10:23, 24) There now, long every way God create-im man for stop under long rule belong him, no under long rule belong themself.
15. Which way, all’gether law belong God they heavy for Adam and Eve?
15 Way for obey long all’gether law belong God him no heavy for first-fella daddy and mummy belong you-me. Him by-by make-im life belong them and life belong family belong all’gether man come up good. Suppose first-fella man and woman they stop inside long all’gether law belong God, every something by-by alright. And you-me by-by stop long number one paradise belong happy living, all-same one-fella family belong all’gether man where love-im each other and gettim one mind! No any bad-fella fashion, way for suffer, and die by-by stop.
[Piksa long page 11]
Creator him give-im all’gether man one-fella perfect start
[Piksa long page 12]
Which way, you want for drive long this-fella road suppose no any law stop for people followim?