• Hao Nao Laef Hem Start?
    Enjoyim Laef for Olowe!—Bible Study Course

    • 3. Wat nao mekem iumi difren from olketa animal?

      Taem Jehovah wakem earth finis, first samting wea hem creatim hem olketa plant and animal. Then ‘God mekem man an man ya tekem wei blo hem.’ (Readim Jenesis 1:27.) Wat nao mekem iumi difren? From God mekem iumi for tekem wei blo hem, iumi savve followim olketa wei blo hem olsem love and justice. Iumi fit tu for lanem nara languis, enjoyim olketa samting wea luk naes and music. And iumi savve worshipim Creator blo iumi wea olketa animal no savve duim.

  • Hao Nao Laef Hem Start?
    Enjoyim Laef for Olowe!—Bible Study Course

    • 5. Wanem Bible talem abaotem creation hem stret

      Lo Jenesis chapter 1, Bible storyim hao earth and evri samting wea laef insaed hem start. Hao iu bilivim datwan, or hem kastom story nomoa? Pleim VIDEO, then discussim tugeta olketa kwestin hia.

      VIDEO: Hao Nao Universe Hem Start?​—Part blo Video (3:51)

      Wanfala Piksa: Olketa scene from video ‘Hao Nao Universe Hem Start?—Part blo Video.’ 1. Hao wanfala man lo earth bae lukim sixfala day blo creation. 2. Earth bihaen mek-six day blo creation, sun hem shaen, drae land, wata, olketa plant and grass, olketa bird, olketa animal lo land, and tufala human being.

      • Hao, Bible storyim earth and evri samting wea laef insaed, God creatim insaed sixfala 24-hour day?

      • Iu tingse wanem Bible talem abaotem creation hem mek sense and stret? Why nao iu ting olsem?

      Readim Genesis 1:1 (NW), then discussim tugeta disfala kwestin:

      • Olketa Scientist sei universe hem garem start. Hao nao tingting blo iu abaotem wanem olketa Scientist talem and wat iu just readim lo Bible?

      Samfala pipol tingse God iusim evolution for creatim evri samting wea laef. Diswan minim olketa tingse God wakem wanfala cell nomoa wea laef, then hemseleva change go lo olketa difren kaen samting wea laef. Readim Jenesis 1:21, 25, 27, then discussim tugeta olketa kwestin hia:

      • Hao, Bible sei God iusim evolution for wakem olketa fish, olketa animal, and iumi olketa man? Or, hem creatim olketa “deferen kaen” samting hia wea laef?