-
Lane From Example blo DanielWastaoa (Study)—2023 | August
-
-
6. Wat nao maet helpem Daniel for brave?
6 Wat nao maet helpem Daniel for brave for full laef blo hem? Taem Daniel young, for sure hem lane from example blo mami and dadi. Masbi tufala obeyim instruction wea Jehovah givim for olketa parents lo Israel, and tufala teachim Law blo hem lo pikinini blo tufala. (Deut. 6:6-9) Daniel no just savve lo Ten Komandment, bat hem savve lo detail information abaotem datwan. For example, hem savve wat olketa Israelite savve kaikaim and shud no kaikaim.b (Lev. 11:4-8; Dan. 1:8, 11-13) Daniel lanem tu history blo pipol blo God and hem savve wat hem happen lo olketa taem olketa no obeyim standard blo Jehovah. (Dan. 9:10, 11) Olketa samting wea Daniel feisim lo laef mekem hem for barava trustim dat Jehovah and olketa paoaful angel blo Hem gohed for sapotim hem.—Dan. 2:19-24; 10:12, 18, 19.
-
-
Lane From Example blo DanielWastaoa (Study)—2023 | August
-
-
b Maet thrifala reason stap why Daniel ting kaikai blo olketa lo Babylon no klin: (1) Maet olketa kukim meat blo olketa animal wea Law stopem. (Deut. 14:7, 8) (2) Maet taem olketa killim animal olketa no aotem gud blood blo hem. (Lev. 17:10-12) (3) Maet for kaikaim datfala kaikai hem olsem man join lo worship for wanfala false god.—Comparem Leviticus 7:15 and 1 Corinth 10:18, 21, 22.
-