-
Wat Nao Iumi Savve Duim for Klin Mekem God Hapi lo Iumi?Enjoyim Laef for Olowe!—Bible Study Course
-
-
4. Lusim olketa nogud wei
Jehovah savve helpem iumi for lusim eni nogud wei blo iumi
Sapos iu man for smoke or iusim drug, maet iu savve hem hard for lusim datfala nogud wei. Wat nao savve helpem iu? Tingim hao hem savve spoelem iu. Readim Matthew 22:37-39, then discussim tugeta hao wei for smokem tobacco and for mis iusim drug savve spoelem . . .
frenship blo man witim Jehovah.
famili blo man and olketa narawan wea stap raonem hem.
Mekem plan for lusim wanfala nogud wei.a Pleim VIDEO.
Readim Philippi 4:13, then discussim tugeta kwestin hia:
Taem man prea, studyim Bible, and go lo meeting evritaem, hao nao datwan savve helpem hem for lusim eni nogud wei wea hem garem?
5. Waka hard for lusim nogud tingting and olketa nogud wei
Readim Colossae 3:5, then discussim tugeta olketa kwestin hia:
Hao nao iumi savve pornography, sexting,b and masturbation no klin lo eye blo Jehovah?
Iu tingse hem stret for Jehovah expectim iumi for klin lo tingting and wei blo iumi? Why nao olsem?
Lukim samting wea iumi savve duim for lusim olketa nogud tingting. Pleim VIDEO.
Jesus storyim wanfala illustration wea showim iumi mas duim samting for keepim wei and tingting blo iumi klin. Readim Matthew 5:29, 30, then discussim tugeta disfala kwestin:
Samting wea Jesus talem hem no minim for iumi katem eni part lo body blo iumi, bat hem minim for iumi mas duim samting. Wat nao man mas duim for no garem nogud tingting?c
Sapos iu waka hard for lusim olketa nogud tingting, Jehovah tinghae lo hard waka blo iu. Readim Sams 103:13, 14, then discussim tugeta disfala kwestin:
Sapos iu stragol witim wanfala nogud wei, hao nao scripture hia encouragem iu for no givap?
No givap sapos iu foldaon moa!
Hem isi for tingim, ‘Mi hard nao! Ating mi givap nomoa!’ Tingim diswan: Taem man wea ranran hem stambol and foldaon, datwan no minim hem lus lo datfala resis and bae hem no go bak tu for startim moa resis. Olsem tu, taem iu foldaon moa lo nogud wei blo iu wea iu lusim finis, datwan no minim hem hard nao for changem wei blo iu. And tu, datwan no minim iu hard waka nating nomoa. Hem normal samting for man foldaon moa. So no givap! Jehovah bae helpem iu for lusim datfala nogud wei.
-
-
Hao Nao Olketa Christian Shud Ting lo Alcohol?Enjoyim Laef for Olowe!—Bible Study Course
-
-
6. Samting wea savve helpem samwan for no drinkim tumas alcohol
Lukim samting wea helpem wanfala man for stop for drinkim tumas alcohol. Pleim VIDEO, then discussim tugeta olketa kwestin hia.
Olsem iumi lukim lo video, hao nao wei blo Dmitry taem hem drinkim alcohol?
Hao, semtaem hem laek for stop drink, hem stop nao?
Hao nao gogo hem stop for drinkim tumas alcohol?
Readim 1 Corinth 6:10, 11, then discussim tugeta olketa kwestin hia:
Wat nao Bible talem abaotem wei for daranga?
Wat nao showim samwan wea drinkim tumas alcohol savve change?
Readim Matthew 5:30, then discussim tugeta kwestin hia:
Taem Jesus sei for katem hand, hem minim iumi need for sakrifaesim samfala samting for mekem Jehovah hapi. Wat nao iu savve duim if iu stragol for lusim wei for drinkim tumas alcohol?a
Readim 1 Corinth 15:33, then discussim tugeta disfala kwestin:
If iu ganga witim pipol wea savve drink tumas, hao nao datwan bae affectim iu?
-