Olketa Bible Subject for Storyim

(Olketa verse long olketa Hebrew Scripture hem kam from English New World Translation of the Holy Scriptures. Lukim olketa nem bilong olketa buk hia and short wei for raetem long page 2.)

1. Armageddon

A. War bilong God for finisim nogud samting

Pipol long evri kantri hipap for Armageddon. Re 16:14, 16

God hem faet. Hem iusim Son bilong hem and olketa angel. 2Th 1:6-9; Re 19:11-16

Samting wea iumi mas duim for sev. Zep 2:2, 3; Re 7:14

B. Armageddon showimaot love bilong God

World hem barava nogud. 2Ti 3:1-5

God hem patient, bat mas duim stret samting. 2Pe 3:9, 15; Lu 18:7, 8

Nogud pipol mas finis mekem pipol wea raeteous savve stap gud. Pr 21:18; Re 11:18

2. Baptaes

A. Christian mas baptaes

Jesus showim example. Mt 3:13-15; Heb 10:7

Showimaot man givim laef bilong hem for God wea minim hem dedicate. Mt 16:24; 1Pe 3:21

For olketa wea savve lane nomoa, no olketa baby. Mt 28:19, 20; Ac 2:41

Mas go andanit long wata. Ac 8:38, 39; Joh 3:23

B. Hem no aotem olketa sin

Jesus no baptaes for aotem olketa sin. 1Pe 2:22; 3:18

Blood bilong Jesus hem aotem olketa sin. 1Jo 1:7

3. Bible

A. Bible hem kam from God

Spirit bilong God leadim olketa man for raetem. 2Pe 1:20, 21

Olketa profesi stap insaed: Da 8:5, 6, 20-22; Lu 21:5, 6, 20-22; Isa 45:1-4

Evri toktok insaed Bible kam from God and helpem man. 2Ti 3:16, 17; Ro 15:4

B. Hem barava helpem iumi distaem

Man wea no followim olketa Bible principle savve dae. Ro 1:28-32

Hem barava winim wisdom bilong man. 1Co 1:21, 25; 1Ti 6:20

Protectim iumi from main enemy. Eph 6:11, 12, 17

Showim man stretfala wei for followim. Ps 119:105; 2Pe 1:19; Pr 3:5, 6

C. Hem for evri man

Olketa start for raetem Bible long East. Ex 17:14; 24:12, 16; 34:27

God no givim for olketa white man nomoa. Ro 10:11-13; Ga 3:28

God acceptim evri difren kaen man. Ac 10:34, 35; Ro 5:18; Re 7:9, 10

4. Blood

A. Man wea tekem blood transfusion no respectim wei wea blood hem holy

God talem Noah blood hem holy, blood hem laef. Ge 9:4, 16

Law tambuim man for no kaikaim blood. Le 17:14; 7:26, 27

Datfala law hem for olketa Christian tu. Ac 15:28, 29; 21:25

B. Hem no stret for brekem law bilong God for sevem laef

Wei for obey hem moa important winim sakrifaes. 1Sa 15:22; Mr 12:33

Man wea brekem law bilong God for sevem laef bilong hem savve dae. Mr 8:35, 36

5. Church

A. Church hem spiritual samting, Christ nao faondeson

God no stap insaed long olketa temple wea man wakem. Ac 17:24, 25; 7:48

Trufala church hem spiritual temple wea garem olketa ston wea laef. 1Pe 2:5, 6

Christ hem main important ston long kona, olketa aposol nao nara part long faondeson. Eph 2:20

Mas worshipim God followim holy spirit and followim samting wea tru. Joh 4:24

B. Jesus no buildim church antap long Peter

Jesus no sei hem buildim church antap long Peter. Mt 16:18

Jesus nao hem datfala “big ston.” 1Co 10:4

Peter sei Jesus nao hem faondeson. 1Pe 2:4, 6-8; Ac 4:8-12

6. Creation

A. Science sapotim creation, creation pruvim evolution hem no tru

Creation followim order and science agree witim datwan. Ge 1:11, 12, 21, 24, 25

Science pruvim God wakem evri samting wea laef for no savve kamap difren samting. Ge 1:11, 12; Jas 3:12

B. Olketa day bilong creation no 24-hour

“Day” savve minim lelebet taem or longfala taem. Ge 2:4

Long God, wanfala day savve minim barava longfala taem. Ps 90:4; 2Pe 3:8

7. Cross

A. Olketa hangem Jesus long post for mek shame long hem

Olketa hangem Jesus long wanfala post or tree. Ac 5:30; 10:39; Ga 3:13

Christian mas karem post tu, taem pipol mek shame long hem and hem safa. Mt 10:38; Lu 9:23

B. Mas no worshipim cross

Wei for iusim cross barava mek shame long Jesus. Heb 6:6; Mt 27:41, 42

Wei for worshipim cross hem wei for worshipim idol. Ex 20:4, 5; Jer 10:3-5

Jesus hem wanfala spirit distaem, hem no gohed hange long post. 1Ti 3:16; 1Pe 3:18

8. Dae

A. Why olketa man dae

Man hem perfect long firstaem, garem chance for laef olowe. Ge 1:28, 31

From man no obey, panis bilong hem nao dae. Ge 2:16, 17; 3:17, 19

Evri pikinini bilong Adam kasem sin and dae. Ro 5:12

B. Olketa wea dae finis olketa hao?

Olketa wea dae finis no savve long eni samting. Ec 9:5, 10; Ps 146:3, 4

Olketa sleep and weitim taem wea olketa bae laef bak. Joh 11:11-14, 23-26; Ac 7:60

C. No savve story witim olketa wea dae finis

Olketa wea dae finis no kamap olketa spirit and stap witim God. Ps 115:17; Isa 38:18

Kasem warning for no trae story witim olketa wea dae finis. Isa 8:19; Le 19:31

God bae panisim olketa wea trae story witim olketa wea dae finis, or wea trae talem samting wea bae happen. De 18:10-12; Ga 5:19-21

9. Date, 1914 C.E.

A. Taem for rul bilong olketa wea no Jew hem finis long 1914 (C.E.)

Laen bilong olketa kingdom ruler hem stop long 607 B.C.E. Eze 21:25-27

“Sevenfala taem” mas go pas bifor king hem rul moa long datfala kingdom. Da 4:32, 16, 17

Sevenfala taem = 2 × 3 ¹⁄2 taem, or 2 × 1,260 day. Re 12:6, 14; 11:2, 3

Wanfala day hem stand for wanfala year. [Total 2,520 year] Eze 4:6; Nu 14:34

“Sevenfala taem” hia mas go pas bifor Kingdom hem start for rul. Lu 21:24; Da 7:13, 14

10. Devil and Olketa Demon

A. Devil hem wanfala spirit

Devil hem wanfala spirit, hem no nogud wei bilong man. 2Ti 2:26

Devil hem wanfala spirit, olsem olketa angel tu spirit. Mt 4:1, 11; Job 1:6

From hem laekem samting wea no stret, hem mekem hemseleva kamap Devil. Jas 1:13-15

B. Devil nao ruler bilong disfala world

Hem god bilong disfala world. 2Co 4:4; 1Jo 5:19; Re 12:9

God letem hem stap go kasem taem hem showaot klia hu nao fit for rul. Ex 9:16; Joh 12:31

Bae hem go insaed hol wea deep tumas, then finis for olowe. Re 20:2, 3, 10

C. Olketa demon hem olketa angel wea bighed

Olketa saed witim Satan bifor long Flood. Ge 6:1, 2; 1Pe 3:19, 20

God panisim olketa taem hem aotem olketa from spiritual laet. 2Pe 2:4; Jude 6

Againstim God, spoelem pipol. Lu 8:27-29; Re 16:13, 14

Olketa bae finis witim Satan. Mt 25:41; Lu 8:31; Re 20:2, 3, 10

11. Disaedem Finis Future Bilong Man

A. God no disaedem finis future bilong man

Plan bilong God bae kamap tru. Isa 55:11; Ge 1:28

Man seleva savve chus for worshipim God or nomoa. Joh 3:16; Php 2:12

12. Earth

A. Plan bilong God for earth

God wakem paradaes long earth for olketa perfect man. Ge 1:28; 2:8-15

Plan bilong God bae kamap tru. Isa 55:11; 46:10, 11

Earth bae fulap long pipol wea perfect and wea stap long peace. Ps 72:7; Isa 45:18; 9:6,7

Kingdom bae mekem earth paradaes moa. Mt 6:9, 10; Re 21:3-5

B. Earth bae no finis, pipol bae stap long hem for olowe

Earth bae stap for olowe. Ec 1:4; Ps 104:5

Olketa man nao finis long taem bilong Noah, no disfala earth. 2Pe 3:5-7; Ge 7:23

Noah hem stap sef, wea showimaot samfala distaem bae stap sef tu. Mt 24:37-39

Nogud pipol bae finis, wanfala “big crowd” bae sev. 2Th 1:6-9; Re 7:9, 14

13. Healing, Toktok Long Olketa Difren Languis

A. Spiritual healing hem helpem man for olowe

Spiritual sik savve spoelem man. Isa 1:4-6; 6:10; Ho 4:6

Spiritual healing nao main waka. Joh 6:63; Lu 4:18

Hem aotem olketa sin, mekem man hapi, and kasem laef. Jas 5:19, 20; Re 7:14-17

B. Kingdom bilong God bae healim pipol for olowe

Jesus healim pipol. Hem preach abaotem olketa gud samting wea Kingdom bae duim. Mt 4:23

Kingdom bae healim pipol for olowe. Mt 6:10; Isa 9:7

Nomata dae tu bae hem finisim. 1Co 15:25, 26; Re 21:4; 20:14

C. No eni pruv for sei God hapi long faith healing distaem

Olketa disaepol no duim mirakol for healim olketa seleva. 2Co 12:7-9; 1Ti 5:23

Paoa for duim mirakol hem finis bihaen olketa aposol dae. 1Co 13:8-11

Healing no pruvim God hapi long man. Mt 7:22, 23; 2Th 2:9-11

D. Wei for toktok long olketa difren languis hem for lelebet taem nomoa

Hem wanfala saen. Mas duim olketa waka wea moa important. 1Co 14:22; 12:30, 31

Paoa for duim olketa mirakol bae finis. 1Co 13:8-10

Olketa mirakol no pruvim God hem hapi long man. Mt 7:22, 23; 24:24

14. Hell (Hades, Sheol)

A. Hem no wanfala ples for bonem pipol for mekem olketa safa

Taem Job safa hem prea for go long there. Job 14:13

Man no savve duim eni samting long there. Ps 6:5; Ec 9:10; Isa 38:18, 19

Jesus hem laef bak from grev, or hell. Ac 2:27, 31, 32; Ps 16:10

Evriwan wea stap long hell bae laef bak, and hell bae finis. Re 20:13, 14

B. Fire hem piksarem wei for finis for olowe

Fire hem piksarem wei for dae for olowe. Mt 25:41, 46; 13:30

Man wea no repent long sin bae finis for olowe, olsem samting fire bonem hem finis for olowe tu. Heb 10:26, 27

Wei wea Satan “safa” long fire piksarem wei wea hem bae dae for olowe. Re 20:10, 14, 15

C. Story abaotem rich man and Lazarus no pruvim man safa for olowe

Fire hem piksarem samting, olsem wei for stap klosap long Abraham hem piksarem samting tu. Lu 16:22-24

Long nara scripture, olketa wea Abraham no hapi long olketa stap aotsaed long darkness, no long fire. Mt 8:11, 12

Bible markem wei wea Babylon barava finis witim wei for safa long fire. Re 18:8-10, 21

15. Heven

A. 144,000 nomoa go long heven

Smol namba nomoa go long heven for kamap olketa king witim Christ. Re 5:9, 10; 20:4

Jesus hem first wan, God chusim olketa narawan bihaen. Col 1:18; 1Pe 2:21

Staka narawan bae laef long earth. Ps 72:8; Re 21:3, 4

144,000 kasem spesol privilege wea no eni narawan kasem. Re 14:1, 3; 7:4, 9

16. Holy Spirit

A. Holy spirit hem wanem?

Hem paoa bilong God, hem no wanfala man. Ac 2:2, 3, 33; Joh 14:17

God iusim for wakem evri samting, leadim olketa man for raetem Bible, and olketa nara samting tu. Ge 1:2; Eze 11:5

Hem iusim for anointim olketa wea bae kamap body bilong Christ. Joh 3:5-8; 2Co 1:21, 22

Strongim pipol bilong God distaem, leadim olketa. Ga 5:16, 18

17. Idol

A. For iusim olketa idol and statue long worship no showimaot respect long God

No eniwan fit for wakem statue bilong God. 1Jo 4:12; Isa 40:18; 46:5; Ac 17:29

Olketa Christian kasem warning for no worshipim idol. 1Co 10:14; 1Jo 5:21

Mas worshipim God followim holy spirit and followim samting wea tru. Joh 4:24

B. Wei for worshipim idol barava spoelem nation bilong Israel

Tambu for olketa Jew worshipim idol. Ex 20:4, 5

No savve herehere or toktok. Olketa wea wakem kamap olsem olketa. Ps 115:4-8

Kamap trap for Israel, God panisim olketa. Ps 106:36, 40-42; Jer 22:8, 9

C. Olketa wea worshipim God mas no worshipim idol tu

God tambuim olketa wea worshipim hem for no worshipim idol tu. Isa 42:8

God nomoa “herem olketa prea.” Ps 65:1, 2

18. Interfaith (Join Witim Nara Religion)

A. God no hapi long wei for join witim nara religion for worship

Wanfala road nomoa hem stap, hem smol, no staka pipol faendem. Eph 4:4-6; Mt 7:13, 14

Olketa laea teaching savve spoelem tru worship. Mt 16:6, 12; Ga 5:9

God sei iumi mas no join witim nara religion. 2Ti 3:5; 2Co 6:14-17; Re 18:4

B. Wei for sei evri religion duim gud samting hem no tru

Samfala strong tumas long religion bilong olketa, bat no followim wanem God laekem. Ro 10:2, 3

Nogud samting olketa duim spoelem gud samting olketa duim. 1Co 5:6; Mt 7:15-17

Olketa laea teacher leadim man for dae. 2Pe 2:1; Mt 12:30; 15:14

For worship hem klin, mas worshipim God nomoa. De 6:5, 14, 15

19. Jehovah, God

A. Nem bilong God

“God” hem wanfala title. Lord bilong iumi garem nem bilong hemseleva. 1Co 8:5, 6

Iumi prea for nem bilong hem holy. Mt 6:9, 10

Jehovah nao nem bilong God. Ps 83:18; Ex 6:2, 3; 3:15; Isa 42:8

Nem bilong God hem stap insaed long King James Version. Ex 6:3 (Douay Version footnote). Ps 83:18; Isa 12:2; 26:4

Jesus storyim nem bilong God long pipol. Joh 17:6, 26; 5:43; 12:12, 13, 28

B. God hem stap

Man wea lukim God bae dae. Ex 33:20; Joh 1:18; 1Jo 4:12

Man no need for lukim God for biliv hem stap. Heb 11:1; Ro 8:24, 25; 10:17

Olketa samting wea God wakem showimaot hem stap. Ro 1:20; Ps 19:1, 2

Olketa profesi wea kamap tru pruvim God hem stap. Isa 46:8-11

C. Olketa fasin bilong God

God hem love. 1Jo 4:8, 16; Ex 34:6; 2Co 13:11; Mic 7:18

Hem garem bigfala wisdom. Job 12:13; Ro 11:33; 1Co 2:7

Hem evritaem duim stret samting. De 32:4; Ps 37:28

Hem Olmaeti God, hem garem bigfala paoa. Job 37:23; Re 7:12; 4:11

D. No evriwan worshipim sem God

Nomata samting luk olsem hem gud, datwan no minim hem stret. Pr 16:25; Mt 7:21

Tufala road, wanfala nomoa hem lead go for laef. Mt 7:13, 14; De 30:19

Staka god stap bat wanfala tru God nomoa stap. 1Co 8:5, 6; Ps 82:1

For kasem laef, man mas savve long tru God. Joh 17:3; 1Jo 5:20

20. Jesus

A. Jesus hem Son bilong God and King wea God markem

Firstborn bilong God, God iusim hem for wakem evri nara samting. Re 3:14; Col 1:15-17

Hem kamap man wea born long wanfala woman, hem lelebet low winim olketa angel. Ga 4:4; Heb 2:9

Holy spirit bilong God anointim hem for hem savve stap long heven moa. Mt 3:16, 17

Kasem position wea hae winim position bilong hem bifor hem kam long earth. Php 2:9, 10

B. Man mas biliv long Jesus Christ for sev

Christ nao datfala Pikinini bilong Abraham wea God promisim. Ge 22:18; Ga 3:16

Jesus nomoa hem Hae Priest, hem givim datfala price for sevem pipol. 1Jo 2:1, 2; Heb 7:25, 26; Mt 20:28

Man wea lane abaotem God and Christ and obey bae kasem laef. Joh 17:3; Ac 4:12

C. For biliv nomoa long Jesus hem no inaf

Man wea biliv mas duim olketa gudfala samting. Jas 2:17-26; 1:22-25

Mas obeyim olketa law bilong hem, and duim waka wea hem duim. Joh 14:12, 15; 1Jo 2:3

No evriwan wea iusim nem bilong Lord bae go insaed long Kingdom. Mt 7:21-23

21. Kingdom

A. Samting wea Kingdom bilong God bae duim for olketa man

Mekem plan bilong God kamap tru. Mt 6:9, 10; Ps 45:6; Re 4:11

Hem gavman wea garem wanfala king and olketa law. Isa 9:6, 7; 2:3; Ps 72:1, 8

Finisim evri nogud samting, rulim earth. Da 2:44; Ps 72:8

1,000 year rul bae mekem olketa man kamap gud moa and Paradaes bae kam bak. Re 21:2-4; 20:6

B. Kingdom start for rul taem olketa enemy bilong Christ stap yet

Bihaen Christ laef bak, hem weit for longfala taem. Ps 110:1; Heb 10:12, 13

Kasem paoa, faetem Satan. Ps 110:2; Re 12:7-9; Lu 10:18

Kingdom start for rul long datfala taem, staka trabol long earth hem kamap. Re 12:10, 12

Trabol hia showimaot distaem nao taem for sapotim Kingdom. Re 11:15-18

C. Kingdom no stap ‘insaed heart,’ and no kamap from hard waka bilong olketa man

Kingdom stap long heven, no long earth. 2Ti 4:18; 1Co 15:50; Ps 11:4

Hem no stap ‘insaed heart’ bikos Jesus story long olketa Pharisee. Lu 17:20, 21

Hem no bilong disfala world. Joh 18:36; Lu 4:5-8; Da 2:44

Bae finisim evri gavman and olketa samting bilong disfala world. Da 2:44

22. Laef

A. Olketa man wea obey bae kasem laef olowe

God wea no savve laea, promisim laef olowe. Tit 1:2; Joh 10:27, 28

God promisim olketa wea showimaot faith bae kasem laef olowe. Joh 11:25, 26

Dae bae finis nao. 1Co 15:26; Re 21:4; 20:14; Isa 25:8

B. Olketa wea part long body bilong Christ nomoa laef long heven

God nao chusim olketa wea bae go long heven. Mt 20:23; 1Co 12:18

144,000 nomoa God chusim from earth. Re 14:1, 4; 7:2-4; 5:9, 10

John Baptaesa tu bae no stap long Kingdom long heven. Mt 11:11

C. Staka “nara sheepsheep” bae laef long earth

Smol sekson nomoa witim Jesus long heven. Re 14:1, 4; 7:2-4

“Nara sheepsheep” no olketa brata bilong Christ. Joh 10:16; Mt 25:32, 40

Big crowd hipap distaem for sev and gohed laef long earth. Re 7:9, 15-17

Olketa narawan bae laef bak for stap long earth. Re 20:12; 21:4

23. Laef Bak

A. Hope for olketa wea dae finis

Evriwan wea stap long grev bae laef bak. Joh 5:28, 29

Wei wea Jesus laef bak mekem iumi trustim datfala promis. 1Co 15:20-22; Ac 17:31

Olketa wea sin againstim holy spirit bae no laef bak. Mt 12:31, 32

Olketa wea showimaot faith bae laef bak. Joh 11:25

B. Samfala laef bak long heven and samfala long earth

Evriwan dae bikos long Adam, evriwan bae laef bak bikos long Jesus. 1Co 15:20-22; Ro 5:19

Olketa wea laef bak long heven difren from olketa wea laef bak long earth. 1Co 15:40, 42, 44

Olketa wea stap witim Jesus bae olsem hem. 1Co 15:49; Php 3:20, 21

Olketa wea no rul long heven bae stap long earth. Re 20:4b, 5, 13; 21:3, 4

24. Marit

A. Marit hem samting wea man mas respectim

Bible comparem marit witim Christ and waef bilong hem. Eph 5:22, 23

Hasband and waef mas keepim marit promis bilong tufala. Heb 13:4

Bible givim kaonsel for hasband and waef no separate. 1Co 7:10-16

Por·neiʹa nomoa hem reason wea Bible talem for hasband and waef savve divorce. Mt 19:9

B. Olketa Christian mas respectim principle bilong hedship

Waka bilong hasband wea hed hem for lovem and lukaftarem famili. Eph 5:23-31

Waef stap anda, lovem, and obeyim hasband. 1Pe 3:1-7; Eph 5:22

Olketa pikinini mas obey. Eph 6:1-3; Col 3:20

C. Responsibility bilong Christian dadi and mami for olketa pikinini

Mas showimaot love, spendem taem witim olketa, interest long olketa. Tit 2:4

No mekem olketa kros. Col 3:21

Provaedem need, wea insaed diswan hem olketa spiritual samting. 2Co 12:14; 1Ti 5:8

Givim training for olketa hapi and misstim olketa problem long laef. Eph 6:4; Pr 22:6, 15; 23:13, 14

D. Christian mas maritim Christian nomoa

Mas maritim nomoa samwan “wea hem disaepol bilong Christ.” 1Co 7:39; De 7:3, 4; Ne 13:26

E. Bible tambuim wei for garem winim wanfala hasband or waef

Long firstaem man mas garem wanfala waef nomoa. Ge 2:18, 22-25

Jesus mekhae moa long disfala mark for olketa Christian mas followim. Mt 19:3-9

Olketa firstfala Christian garem wanfala hasband or waef nomoa. 1Co 7:2, 12-16; Eph 5:28-31

25. Memorial, Mass

A. Celebratem Evening Kaikai Bilong Lord

Celebratem wantaem evri year long date bilong Pasova. Lu 22:1, 17-20; Ex 12:14

Hem for celebratem dae bilong Christ. 1Co 11:26; Mt 26:28

Olketa wea garem hope for go long heven kaikaim bred and drinkim wine. Lu 22:29, 30; 12:32, 37

Hao man savve hem garem datfala hope. Ro 8:15-17

B. Mass hem no kam from Bible

For God forgivim sin bilong man, blood mas kapsaet. Heb 9:22

Christ nomoa man wea help for mekem kamap datfala niu agreement. 1Ti 2:5, 6; Joh 14:6

Christ stap long heven. Priest no savve tekem hem kam daon long earth. Ac 3:20, 21

No need for duim moa sakrifaes bilong Christ. Heb 9:24-26; 10:11-14

26. Minister

A. Evri Christian nao mas minister (wakaman)

Jesus hem wakaman bilong God. Ro 15:8, 9; Mt 20:28

Olketa Christian followim example bilong hem. 1Pe 2:21; 1Co 11:1

For duim ministry iumi mas preach. 2Ti 4:2, 5; 1Co 9:16

B. Olketa mark wea man mas garem for duim ministry

Mas garem spirit bilong God and savve long wanem Bible teachim. 2Ti 2:15; Isa 61:1-3

Followim example bilong Christ for preach. 1Pe 2:21; 2Ti 4:2, 5

God iusim holy spirit and organization for trainim man. Joh 14:26; 2Co 3:1-3

27. Nogud Samting, Trabol Long World

A. Hu nao bihaenem trabol long world?

Nogud rul mekem laef hard distaem. Pr 29:2; 28:28

Enemy bilong God nao rulim world. 2Co 4:4; 1Jo 5:19; Joh 12:31

Devil nao mekem trabol kamap, lelebet taem nomoa stap for hem. Re 12:9, 12

Devil stap long prison, bihaen datwan pipol bae stap long peace. Re 20:1-3; 21:3, 4

B. Why God letem nogud samting for gohed

Devil sei no eniwan bae faithful long God. Job 1:11, 12

Olketa garem chance for pruvim olketa savve faithful long God. Ro 9:17; Pr 27:11

Diswan pruvim Devil hem laea and God nomoa fit for rul. Joh 12:31

Olketa wea faithful bae kasem laef olowe. Ro 2:6, 7; Re 21:3-5

C. Wei wea end hem no kam kwiktaem showimaot mercy bilong God

Olsem long taem bilong Noah, hem needim taem for warnim pipol. Mt 24:14, 37-39

God no delay, hem showimaot mercy. 2Pe 3:9; Isa 30:18

Bible helpem iumi for redi evritaem. Lu 21:36; 1Th 5:4

Kasem gud samting distaem from wanem God provaedem for protectim iumi. Isa 2:2-4; Zep 2:3

D. Olketa man no savve stretem trabol long world

Olketa man fraet tumas and barava konfius. Lu 21:10, 11; 2Ti 3:1-5

Kingdom bilong God bae stretem trabol, no olketa man. Da 2:44; Mt 6:10

For stap laef, obeyim King distaem. Ps 2:9, 11, 12

28. Olketa Holiday, Birthday

A. Olketa firstfala Christian no celebratem birthday and Christmas

Olketa wea no worshipim God celebratem birthday. Ge 40:20; Mt 14:6

Mas celebratem dae bilong Jesus. Lu 22:19, 20; 1Co 11:25, 26

Celebration wea pipol savve drunk and duim enikaen nogud samting hem no stret. Ro 13:13; Ga 5:21; 1Pe 4:3

29. Olketa Jehovah’s Witness

A. Hao Olketa Jehovah’s Witness start

Jehovah talemaot hu nao olketa witness bilong hem. Isa 43:10-12; Jer 15:16

Firstfala faithful witness long earth hem Abel. Heb 11:4, 39; 12:1

Jesus hem faithful and tru witness. Joh 18:37; Re 1:5; 3:14

30. Olketa Laea Profet

A. Bible sei olketa laea profet bae kamap. Olketa stap long taem bilong olketa aposol

Hao for luksavve long olketa laea profet. De 18:20-22; Lu 6:26

Profesi talem finis. Luksavve long olketa from samting wea olketa duim. Mt 24:23-26; 7:15-23

31. Olketa Last Day

A. Mining bilong “end bilong world”

Taem wea world bae finis. Mt 24:3; 2Pe 3:5-7; Mr 13:4

Earth bae no finis, bat nogud world bae finis. 1Jo 2:17

Olketa last day kamap firstaem bifor world hem finis. Mt 24:14

Olketa wea raeteous bae sev. Niu world bae kamap bihaen. 2Pe 2:9; Re 7:14-17

B. Mas luksavve long olketa saen bilong olketa last day

God givim olketa saen for leadim iumi. 2Ti 3:1-5; 1Th 5:1-4

Pipol long world ting smol nomoa long olketa saen hia. 2Pe 3:3, 4, 7; Mt 24:39

God hem no delay, bat hem givim warning. 2Pe 3:9

Man wea redi and lukluk gud long hemseleva bae kasem reward. Lu 21:34-36

32. Pipol Againstim Olketa Christian

A. Why pipol againstim olketa Christian

Pipol heitim Jesus. Hem sei pipol bae heitim tu olketa disaepol bilong hem. Joh 15:18-20; Mt 10:22

Taem olketa Christian duim stret samting, pipol long world feel guilty. 1Pe 4:1, 4, 12, 13

Satan, god bilong disfala world, hem againstim Kingdom. 2Co 4:4; 1Pe 5:8

Christian no fraet, God strongim hem. Ro 8:38, 39; Jas 4:8

B. Waef mas no letem hasband for mekem hem lusim God

Bible givim warning finis. Nara pipol maet talem laea story long hasband. Mt 10:34-38; Ac 28:22

Waef mas depend long God and Christ. Joh 6:68; 17:3

Maet wei wea waef faithful sevem hasband tu. 1Co 7:16; 1Pe 3:1-6

Hasband hem hed, bat hem no fit for stopem waef for worshipim God. 1Co 11:3; Ac 5:29

C. Hasband mas no letem waef stopem hem for worshipim God

Mas lovem waef and famili, laekem olketa for kasem laef. 1Co 7:16

Mas disaedem samting and provaedem need bilong famili. 1Co 11:3; 1Ti 5:8

God lovem man wea disaed strong for followim truth. Jas 1:12; 5:10, 11

God no hapi long man wea lusim biliv for hem keepim peace insaed famili. Heb 10:38

Leadim famili for kasem olketa blessing long niu world. Re 21:3, 4

33. Prea

A. Olketa prea wea God herem

God hem herem prea bilong olketa man. Ps 145:18; 1Pe 3:12

God herem prea bilong olketa wea no raeteous bat wea repent. Isa 1:15-17

Mas prea long nem bilong Jesus. Joh 14:13, 14; 2Co 1:20

Mas prea abaotem samting wea followim tingting bilong God. 1Jo 5:14, 15

Mas garem faith. Jas 1:6-8

B. Iusles for talem sem prea olowe or prea long Mary, or “olketa saint”

Mas prea long God long nem bilong Jesus. Joh 14:6, 14; 16:23, 24

God bae no herem prea bilong man wea talem sem toktok olowe. Mt 6:7

34. Preaching Waka

A. Evri Christian mas preach, talemaot gud nius

God hapi long man wea talemaot hem disaepol bilong Jesus. Mt 10:32

Mas followim toktok bilong God, showimaot faith. Jas 1:22-24; 2:24

Olketa niu wan tu mas kamap teacher. Mt 28:19, 20

Man wea talemaot message bae sev. Ro 10:10

B. Need for go bak evritaem, and gohed for preach

Mas warnim pipol abaotem end bilong world. Mt 24:14

For staka year, Jeremiah talemaot Jerusalem bae finis. Jer 25:3

Olsem olketa firstfala Christian, iumi no savve stop for preach. Ac 4:18-20; 5:28, 29

C. Mas preach mekem iumi no guilty sapos man no sev

Mas warnim pipol end hem klosap tumas. Eze 33:7; Mt 24:14

Sapos iumi no preach bae iumi guilty. Eze 33:8, 9; 3:18, 19

Paul no guilty, hem talem pipol evri samting wea God bae duim. Ac 20:26, 27; 1Co 9:16

Man wea preach bae sev, and olketa wea lisin long hem tu. 1Ti 4:16; 1Co 9:22

35. Ransom

A. Jesus givim laef bilong hem olsem “price for sevem evriwan”

Jesus givim laef bilong hem olsem price for sevem pipol. Mt 20:28

Blood wea kapsaet mekem man kasem forgiveness for sin. Heb 9:14, 22

Wanfala sakrifaes nomoa hem fitim for olowe. Ro 6:10; Heb 9:26

Man mas duim samting for hem kasem gud samting from datwan. Joh 3:16

B. Hem price wea semsem

Adam hem perfect man. De 32:4; Ec 7:29; Ge 1:31

From hem sin, hem and olketa pikinini bilong hem no perfect nao. Ro 5:12, 18

Olketa pikinini no garem hope. Needim eniwan wea barava semsem witim Adam. Ps 49:7; De 19:21

Perfect laef bilong Jesus nao hem price wea sevem pipol. 1Ti 2:5, 6; 1Pe 1:18, 19

36. Religion

A. Wanfala tru religion nomoa

Wanfala hope, wanfala faith, and wanfala baptaes. Eph 4:5, 13

Kasem komand for teachim pipol for kamap disaepol. Mt 28:19; Ac 8:12; 14:21

Luksavve long hem from olketa frut bilong hem. Mt 7:19, 20; Lu 6:43, 44; Joh 15:8

Evriwan garem love and wan mind. Joh 13:35; 1Co 1:10; 1Jo 4:20

B. Hem stret for tok againstim olketa laea teaching

Jesus tok againstim olketa laea teaching. Mt 23:15, 23, 24; 15:4-9

Duim datwan for protectim olketa wea laea teaching mekem olketa blind. Mt 15:14

Truth mekem olketa free and olketa savve kamap disaepol bilong Jesus. Joh 8:31, 32

C. Mas changem religion sapos hem rong

Truth mekem man free, showimaot staka pipol olketa rong. Joh 8:31, 32

Olketa Israelite, nara pipol, lusim worship wea olketa followim bifor. Jos 24:15; 2Ki 5:17

Olketa firstfala Christian changem tingting bilong olketa. Ga 1:13, 14; Ac 3:17, 19

Paul changem religion bilong hem. Ac 26:4-6

Satan laea long full world. Man mas changem tingting. Re 12:9; Ro 12:2

D. Gud samting long religion no minim God acceptim olketa

God hem talem wanem kaen worship nao hem stret. Joh 4:23, 24; Jas 1:27

Religion wea no duim wanem God laekem hem nogud. Ro 10:2, 3

Nomata olketa tingse olketa duim gudfala samting, God savve rejectim datwan. Mt 7:21-23

Luksavve long olketa from samting wea olketa duim. Mt 7:20

37. Sabbath

A. Law for keepim Sabbath no for olketa Christian

From Jesus dae, datfala Law hem finis. Eph 2:15

Law for keepim Sabbath no for olketa Christian. Col 2:16, 17; Ro 14:5, 10

Samfala kasem kaonsel from olketa keepim Sabbath, and olketa narafala samting. Ga 4:9-11; Ro 10:2-4

Man wea garem faith and wea obey nao hem rest long day bilong God for rest. Heb 4:9-11

B. Olketa long Israel bifor nomoa kasem law for keepim Sabbath

Olketa start for keepim Sabbath bihaen olketa lusim Egypt. Ex 16:26, 27, 29, 30

Hem wanfala saen for olketa long Israel nomoa. Ex 31:16, 17; Ps 147:19, 20

Law hem sei olketa mas keepim olketa Sabbath year tu. Ex 23:10, 11; Le 25:3, 4

Olketa Christian no need for keepim Sabbath. Ro 14:5, 10; Ga 4:9-11

C. Sabbath rest bilong God (mek-7 day long “week” wea hem wakem evri samting)

Hem start taem God finis for wakem evri samting long earth. Ge 2:2, 3; Heb 4:3-5

Taem Jesus stap long earth, datfala day hem gohed yet. Heb 4:6-8; Ps 95:7-9, 11

Olketa Christian mas rest from waka wea olketa duim for olketa seleva. Heb 4:9, 10

Day hia finis taem Kingdom hem finisim waka bilong hem long earth. 1Co 15:24, 28

38. Sev

A. God sevem olketa man bikos long sakrifaes bilong Jesus

Laef hem present wea God givim bikos long Son bilong hem. 1Jo 4:9, 14; Ro 6:23

Olketa man fit for sev bikos long sakrifaes bilong Jesus. Ac 4:12

Man wea repent taem hem klosap for dae no savve duim samting for showimaot datwan. Jas 2:14, 26

Mas waka hard for God sevem iumi. Lu 13:23, 24; 1Ti 4:10

B. Bible no sei man wea biliv hem sev for olowe nao

Olketa wea kasem holy spirit savve lusim biliv bilong olketa. Heb 6:4, 6; 1Co 9:27

Nomata Jehovah sevem olketa Israelite from Egypt hem finisim staka long olketa bihaen. Jude 5

For sev, man mas gohed for faithful. Php 2:12; 3:12-14; Mt 10:22

Olketa wea duim moa olketa nogud samting, olketa worse winim bifor. 2Pe 2:20, 21

C. Biliv wea sei evriwan bae sev hem no kam from Bible

Samfala bae nating willing for repent. Heb 6:4-6

God no hapi for lukim nogud man hem dae. Eze 33:11; 18:32

Bat man wea garem love hem no savve acceptim samting wea no raeteous. Heb 1:9

Nogud pipol bae finis. Heb 10:26-29; Re 20:7-15

39. Sin

A. Sin hem wanem?

Wei for brekem law bilong God, wea hem olketa perfect mark bilong hem. 1Jo 3:4; 5:17

God wakem olketa man so olketa mas givim ansa long hem. Ro 14:12; 2:12-15

Law showimaot wanem nao sin, mekem olketa man luksavve long sin. Ga 3:19; Ro 3:20

Evri man sin, no savve followim olketa perfect mark bilong God. Ro 3:23; Ps 51:5

B. Why evriwan safa from sin bilong Adam

Adam hem givim sin and dae long evri man. Ro 5:12, 18

God showimaot mercy taem hem letem olketa man gohed for laef. Ps 103:8, 10, 14, 17

Sakrifaes bilong Jesus hem kavarem olketa sin. 1Jo 2:2

Sin and evri nara samting wea Devil duim bae finis. 1Jo 3:8

C. God no tambuim sex, hem tambuim wei for no obey

God putim tambu long datfala tree bifor hem wakem Eve. Ge 2:17, 18

God talem Adam and Eve for garem olketa pikinini. Ge 1:28

Pikinini hem blessing from God, hem no samting wea man garem bikos hem duim sin. Ps 127:3-5

Eve hem sin taem Adam no stap, hem no stap anda. Ge 3:6; 1Ti 2:11-14

Adam wea hem nao hed, hem againstim law bilong God. Ro 5:12, 19

D. Wanem hem minim for sin againstim holy spirit (Mt 12:32; Mr 3:28, 29)

Diswan hem no sin wea man born witim. Ro 5:8, 12, 18; 1Jo 5:17

Man maet mekem holy spirit sorre, bat hem savve kasem forgiveness. Eph 4:30; Jas 5:19, 20

Man wea min for gohed duim sin bae dae. 1Jo 3:6-9

God judgem olketa olsem, and aotem spirit bilong hem from olketa. Heb 6:4-8

Iumi shud no prea for olketa olsem wea no laek for repent. 1Jo 5:16, 17

40. Soul

A. Wanem nao soul?

Man hem wanfala soul. Ge 2:7; 1Co 15:45; Jos 11:11

Olketa animal tu soul. Nu 31:28; Re 16:3 footnote; Le 24:18

Soul hem garem blood, hem savve kaikai, and hem savve dae. Jer 2:34; Le 7:18; Eze 18:4

“Soul” savve minim laef tu. Mr 8:35, footnote

B. Soul and spirit tufala difren

Man or animal wea laef hem soul. Mr 3:4; Le 17:11

Paoa wea mekem man gohed for laef hem nao “spirit.” Ps 146:4; 104:29

Taem man dae, datfala paoa wea mekem man gohed for laef hem stap long hand bilong God moa. Ec 12:7

God nomoa savve givim bak datfala paoa wea mekem man laef. Eze 37:12-14

41. Spiritism

A. Mas stap klia long spiritism bikos hem join witim olketa demon

Bible tambuim diswan. Isa 8:19, 20; Le 19:31; 20:6, 27

Wei for talem samting wea bae happen long future hem kam from olketa demon. Bible againstim. Ac 16:16-18

Leadim man for dae. Ga 5:19-21; Re 21:8; 22:15

Hem tambu for studyim star for savve wanem bae happen. De 18:10-12; Jer 10:2

42. Taem Christ Hem Kam Bak

A. Olketa man bae no lukim hem taem hem kam bak

Talem olketa disaepol pipol long world bae no lukim hem moa. Joh 14:19

Olketa disaepol nomoa lukim taem hem go ap, semsem tu taem hem kam bak. Ac 1:6, 10, 11

Hem long heven, hem spirit wea man no savve lukim. 1Ti 6:14-16; Heb 1:3

Taem hem kam bak hem King long Kingdom long heven. Da 7:13, 14

B. Olketa samting wea happen showimaot hem stap

Olketa disaepol askem hem for saen wea bae showimaot hem stap. Mt 24:3

Olketa Christian “lukim” hem stap long wei wea olketa luksavve and minim samting. Eph 1:18

Staka samting wea happen pruvim hem stap. Lu 21:10, 11

Olketa enemy bae “lukim” hem taem olketa luksavve hem nao finisim olketa. Re 1:7

43. Trinity

A. God, hem Dadi, hem wanfala nomoa, hem winim eniwan long universe

God hem wanfala nomoa, no thrifala. De 6:4; Mal 2:10; Mr 10:18; Ro 3:29, 30

Creatim Son. God nomoa stap bifor. Re 3:14; Col 1:15; Isa 44:6

God hem rulim universe olowe. Php 2:5, 6; Da 4:35

Mekhae long God winim eni narawan. Php 2:10, 11

B. Bifor and bihaen Son hem kam long earth, hem no winim Dadi

Son obey taem hem long heven. Dadi nao sendem hem kam. Joh 8:42; 12:49

Son obey long earth. Dadi winim hem. Joh 14:28; 5:19; Heb 5:8

Son kasem hae position long heven, bat hem stap anda long God. Php 2:9; 1Co 15:28; Mt 20:23

Jehovah hem hed and God bilong Christ. 1Co 11:3; Joh 20:17; Re 1:6

C. Wei wea God and Christ tufala wan

Tufala barava wan mind evritaem. Joh 8:28, 29; 14:10

Tufala wan, olsem hasband and waef tufala wan. Joh 10:30; Mt 19:4-6

Evriwan wea biliv mas garem wan mind olsem tufala. Joh 17:20-22; 1Co 1:10

Worship hem for Jehovah nomoa for olowe. Joh 4:23, 24

D. Holy spirit bilong God hem paoa bilong hem

Holy spirit hem paoa, hem no wanfala man. Mt 3:16; Joh 20:22; Ac 2:4, 17, 33

Hem no wanfala man wea stap witim God and Christ long heven. Ac 7:55, 56; Re 7:10

God iusim for duim wanem hem laekem. Ps 104:30; 1Co 12:4-11

Olketa wea worshipim God kasem holy spirit and datwan leadim olketa. 1Co 2:12, 13; Ga 5:16

44. Worshipim Mary

A. Mary hem mami bilong Jesus, no “mami bilong God”

God hem no garem start. Ps 90:2; 1Ti 1:17

Mary hem mami bilong Son bilong God, taem hem stap long earth olsem man. Lu 1:35

B. Mary hem no young gele (virgin) olowe

Hem maritim Joseph. Mt 1:19, 20, 24, 25

Hem garem olketa nara pikinini tu witim Jesus. Mt 13:55, 56; Lu 8:19-21

Long datfala taem olketa hia no olketa spiritual brata bilong hem. Joh 7:3, 5

45. Worshipim Olketa Grani

A. Iusles nomoa for worshipim olketa grani

Olketa grani dae finis, no savve long eni samting. Ec 9:5, 10

Hem no fitim for worshipim olketa grani. Ro 5:12, 14; 1Ti 2:14

God tambuim worship olsem. Ex 34:14; Mt 4:10

B. Respectim olketa man, bat worshipim God nomoa

Olketa young wan mas respectim olketa olo. 1Ti 5:1, 2, 17; Eph 6:1-3

Bat worshipim God nomoa. Ac 10:25, 26; Re 22:8, 9