Esther No Fraet for Sevem Pipol Bilong God

Esther showimaot hem garem strongfala faith and no fraet taem hem duim samting for sevem pipol bilong God

• Sapos wanfala man go for lukim king bat king no talem hem for kam lukim hem, bae olketa savve killim hem dae. For 30-fala day finis king no talem Esther for kam lukim hem

• King Ahasuerus, wea luk olsem nara nem bilong hem Xerxes I, hem man for kros. Wanfala taem, hem givim order for olketa katem wanfala man long tufala haf and showim long evriwan mekem pipol fraetem hem. And tu, taem Vashti no obeyim hem, hem aotem hem for no queen

• Esther mas talem long king hem wanfala Jew and hem mas pruvim datfala man wea king trustim tumas hem trikim king