LAEF BILONG CHRISTIAN
Careful Taem Iu Iusim Social Network
WHY HEM IMPORTANT: Olsem staka tul, olketa social network savve helpem iu or spoelem iu. Samfala Christian disaed for no iusim olketa social network. Samfala Christian iusim olketa social network for story witim famili and olketa fren. Bat, Satan laekem iumi for iusim olketa social network long wei wea no stret, wea savve spoelem hao pipol ting long iumi and wei wea iumi fren witim Jehovah. Olsem Jesus, iumi savve iusim olketa Bible principle for helpem iumi luksavve long olketa danger and stap klia long datwan.—Lu 4:4, 8, 12.
OLKETA SAMTING FOR STAP KLIA LONG HEM:
Ova tumas for iusim social media. Wei for iusim staka hour long olketa social network and social media savve mekem iumi no garem taem for duim olketa spiritual samting
Bible principle: Eph 5:15, 16; Php 1:10
Lukluk long olketa samting wea no fitim. Wei for lukluk long olketa rabis piksa savve mekem man laek lukluk olowe long datwan or savve lead go long wei for durong. Wei for readim information long olketa apostate website savve spoelem faith bilong iumi
Postim olketa piksa or koment wea no fitim. From heart bilong man savve laea long hem, diswan savve mekem hem laek for postim olketa piksa or koment wea no fitim long social network. Bat, diswan savve spoelem hao pipol ting long iumi and mekem olketa narawan for stambol
LUKIM VIDEO MAS WISE TAEM IU IUSIM SOCIAL NETWORK, THEN TING RAONEM WANEM IU SAVVE DUIM MEKEM OLKETA SAMTING HIA NO HAPPEN LONG IU: