STUDY 1

Gudfala Introduction

Acts 17:22

WANEM FOR DUIM: Long introduction bilong iu, talem samting for pullim interest bilong man, talem subject bilong iu, and storyim why datfala subject hem fitim audience bilong iu.

HAO FOR DUIM:

Pullim interest. Askem kwestin, storyim wanfala experience, storyim samting long nius, or talem eni nara samting wea bae mekem man interest for lisin.

Taem iu redyim introduction bilong iu, tingim wanem bae pullim interest bilong audience, or wanem nao olketa warim.
Talem subject bilong iu. Long introduction, mek sure iu talem klia wanem nao subject bilong iu and wanem iu bae storyim.
Storyim why datfala subject hem important. Wanem iu storyim shud fitim samting wea audience bilong iu feisim. Olketa shud luksavve hao datfala subject savve helpem olketa.

Taem iu redyim tok, tingim diswan: ‘Wanem nao samfala hard samting wea olketa brata and sista insaed kongregeson feisim?’ Then storyim samting long introduction bilong iu wea fitim olketa.