Iusim Olketa Kwestin

Matthew 16:13-16

WANEM FOR DUIM: Askem olketa kwestin for mekem man interest, for helpem audience followim wanem iu storyim, and for mekhae long olketa important point. Olketa kwestin bilong iumi mas fitim and showimaot respect.

HAO FOR DUIM:

• Mekem man interest. Iusim olketa kwestin for mekem audience ting raonem wanem iu storyim, or wea bae mekem olketa interest for savve long ansa.

• Story raonem subject. Taem iu story, iusim olketa kwestin for helpem audience followim wanem iu storyim and for luksavve wanem iu storyim hem mek sense.

• Mekhae long olketa important point. Askem wanfala interesting kwestin firstaem bifor iu storyim wanfala main point. And tu, iu savve iusim olketa kwestin for duim review bihaen iu storyim wanfala important point, or taem iu duim review long conclusion long tok bilong iu.