GUD SAMTING FROM BIBLE| JENESIS 29-30
Jacob Marit
Bifor Jacob hem marit, hem no savve lo hard samting wea bae hem kasem from datwan. Rachel and Leah les lo each other. (Jenesis 29:32; 30:1, 8) Nomata Jacob kasem hard taem, hem luksavve Jehovah evritaem helpem hem. (Jenesis 30:29, 30, 43) Gogo olketa wea kam from laen blo Jacob kamap nation blo Israel.—Rut 4:11.
Distaem, olketa wea chus for marit bae kasem hard taem tu. (1Co 7:28) Nomata olsem, tufala wea marit savve hapi sapos tufala depend lo Jehovah and followim olketa Bible principle.—Provebs 3:5, 6; Eph 5:33.